રિપોર્ટર હરિકૃષ્ણ ભટ્ટ ગુજરાત સુરત ઓલપાડ

પ્રાથમિક શાળા કોબા ખાતે માનવતા અને સેવાભાવનું સુંદર ઉદાહરણ જોવા મળ્યું.

ઉનાળાની કડક ગરમીમાં ઘણા વિદ્યાર્થીઓ દૂર દૂરથી ચાલીને શાળાએ આવે છે અને ઘણી વખત તેઓ ઉઘાડા પગે બળબળતા તડકામાં શાળાએ પહોંચતા હોય છે. આવા સમયમાં બાળકોને થોડી રાહત મળે અને તેઓ સુરક્ષિત રીતે શાળાએ આવી શકે તે હેતુસર શાળાની શિક્ષિકા શ્રીમતી નીરૂબેન દ્વારા તમામ વિદ્યાર્થીઓને ચંપલ ભેટરૂપે અર્પણ કરવામાં આવી.

આ નાનકડું પરંતુ અત્યંત ઉપયોગી અને માનવતાભર્યું કાર્ય બાળકો માટે આનંદદાયક બન્યું. ચંપલ મળતાં વિદ્યાર્થીઓના ચહેરા પર ખુશીની ઝળહળાટ જોવા મળી. ઉનાળાની આ કઠિન ગરમીમાં ઉઘાડા પગે ચાલવાની મુશ્કેલીમાંથી વિદ્યાર્થીઓને રાહત મળે અને તેઓ આરામથી શાળાએ આવી શકે તે માટે આ સેવા ખૂબ પ્રશંસનીય ગણાઈ રહી છે.

કાર્યક્રમ દરમિયાન શિક્ષકો અને વિદ્યાર્થીઓએ નીરૂબેનના આ સેવાભાવી કાર્યની સરાહના કરી. આવા સકારાત્મક પ્રયત્નો સમાજમાં માનવતા અને સહકારની ભાવનાને વધુ મજબૂત બનાવે છે.

આ સમગ્ર કાર્યક્રમનું આયોજન શાળાના આચાર્ય ધર્મેન્દ્ર પટેલના માર્ગદર્શન હેઠળ સુવ્યવસ્થિત રીતે કરવામાં આવ્યું હતું. કાર્યક્રમના અંતે વિદ્યાર્થીઓએ આનંદ વ્યક્ત કર્યો અને શિક્ષિકા નીરૂબેનના આ ઉમદા કાર્યને સૌએ હાર્દિક બિરદાવ્યું.