కొవ్వూరు కూలీల నిరసన: పీపీఐ సిస్టం లోపం.. పాత పద్ధతి కొనసాగించాలని డిమాండ్

రోలుగుంట మండలం కొవ్వూరు గ్రామంలో మహాత్మా గాంధీ ఉపాధి హామీ పథకం పనులకు ఉదయం 5:30 గంటలకు కూలీలు చేరుకున్నారు. ప్రభుత్వం కొత్తగా ప్రవేశపెట్టిన పర్సనల్ ప్లేస్ ఐడెంటిఫికేషన్ (పీపీఐ) సిస్టం పనిచేయకపోవడంతో ఎనిమిది గంటల వరకు అందరూ ఎదురుచూసి నిరసన వ్యక్తం చేశారు. ఈ సమస్యపై అధికారులు తక్షణం స్పందించి, సిస్టం లోపం ఉన్న రోజున పాత మాన్యువల్ పద్ధతిలో పనులు చేయించాలని, కూలీలకు ఉపాధి కల్పించాలని గ్రామస్థులు కోరుతున్నారు.కూలీలు మాట్లాడుతూ, "పీపీఐ సిస్టం సాంకేతిక లోపాలతో పనిచేయకపోతుంటే, మేము రోజంతా ఎదురుచూస్తూ ఉండాలా? పాత రిజిస్టర్ పద్ధతితో పని మొదలుపెట్టి, మా జీవనోపాధికి ఆసరా కల్పించాలి" అని ఆవేదన వ్యక్తం చేశారు. ఈ సంఘటనతో గ్రామంలో కూలీలు పని చేయకుండా ఉండటంతో రోజువారీ ఆదాయం పోగొట్టుకోవలసి వచ్చింది., సిస్టం సమస్యలపై త్వరిత చర్యలు తీసుకోవాలని స్థానికులు డిమాండ్ చేస్తున్నారు.అధికారులు ఈ విషయాన్ని తెలుసుకుని, పరిస్థితి స్థిరపడే వరకు పాత పద్ధతిని అనుసరించే వాటాకు సానుకూలంగా స్పందించే అవకాశం ఉందని సమాచారం. రోలుగుంట మండల అధికారులు ఈ సమస్యను పరిష్కరించేందుకు అడుగులు వేస్తున్నారు.