आष्टा येथे प्रा.श्री राजेंद्र ना नामदेवराव केशवे सरांचा अभिष्टचिंतन सोहळा भव्यतेने साजरा...

माहूर तालुक्यातील आष्टा (ता. माहूर, जि. नांदेड) येथील श्री शंकरराव चव्हाण माध्यमिक व उच्च माध्यमिक विद्यालयात प्रा. श्री. राजेंद्र नामदेवराव केशवे सर यांचा अभिष्टचिंतन सोहळा स्नेहपूर्ण वातावरणात साजरा झाला. विद्यालयातील सर्व शिक्षकांनी एकत्र येऊन सरांना दीर्घायुष्य, सुदृढ आरोग्य व यशस्वी जीवनासाठी हार्दिक शुभेच्छा दिल्या."प्रा. केशवे सर हे विद्यालयाचे आदर्श शिक्षक आहेत. त्यांचे मार्गदर्शन आम्हा सर्वांना प्रेरणादायी आहे. त्यांना नव्या वर्षात भरपूर सुख-शांती लाभो, हीच आमची प्रार्थना," असे विद्यालय प्रमुखांनी सांगितले. सोहळ्यात शिक्षक मंडळींनी फुलांचा हार घालून व शुभेच्छा पत्रिकेच्या माध्यमातून त्यांचे कौतुक केले. हा सोहळा विद्यालयातील सौहार्दाचे प्रतीक ठरला.