Nuclear War aur Iran-Israel
Nuclear War aur Iran-Israel Conflict: Ek Tajziya
Reporter: [syed MUKARAM uddin]
Kal se international media mein is baat par discussion chal rahi hai ke kya America ya Israel, Iran par atomic hamla karenge? Aur agar aisa hua to Iran aur baqi duniya ka response kya hoga?
Jis hisab se America aur Israel ko maar par rahi hai aur ye dono baole (frustrated) hue phir rahe hain, to in se koi baeed nahi ke ye nuclear attack kar dein. Khuda-na-khwasta aisa hua to Iran mein to tabahi hogi, lekin bachenge ye bhi nahi. Iran pehle se hi sari tayari kar ke baitha hai. America khud to kabhi nahi karega, agar aisa karna bhi hua to Israel se karwayega.
Agar Khuda-na-khwasta aisa hua to sab se pehle to Iran jitne bhi missiles aur drones Israel ki taraf bhej sakta hua, wo sare ek hi baar bhej dega kyunke use maloom hoga ke agar uski baqa (survival) nahi to ye bhi mit jayein. Doosra khatarnak waar yahi hoga ke in drones aur missiles mein Uranium thori thori daal kar bheji jaye. Is se atomic dhamaka to nahi hoga lekin ye itni tadaad mein honge ke faza mein target hon ya hit karein, har do soorat mein pure Israel mein radiation (tabkari) phela denge, jise saaf karna bhi taqreeban namumkin hoga.
Jo kam range wale Iranian missiles honge, wo Arab mumalik mein American bases ki taraf dagh diye jayenge. Ye bhi ho sakta hai ke jahan jahan bhi oil depots hon sab ko nishana bana diya jaye, khas taur par Strait of Hormuz (Abnai-e-Hormuz) mein kharay oil tankers.
Iran khud mukammal tabahi ke dahane par hua to bhi:
"Hum to doobe hain sanam, tujhe bhi le doobenge"
Ke misdaq ye sab karta jayega aur is sab ke bawajood uski muzahimat (resistance) khatam nahi hogi kyunke Iran pehle hi sara system decentralized kar chuka hai aur sare mulk par to atom bomb nahi phenke ja sakte.
Is ke sath sath aalami taqaton, Russia aur China ka radd-e-amal bhi shadeed hoga aur Arab mumalik ke sath sath, Pakistan aur Turkey ka bhi. Ho sakta hai North Korea bhi is mein shareek ho jaye.
Allah kare ke ye tabah-kun ghalti America aur Israel kabhi na karein.
Allah Iran ka hami-o-nasir ho.
