କଳାହାଣ୍ଡି ପ୍ରଶାସନର ବଡ଼ କାର୍ଯ୍ୟାନୁଷ୍ଠାନ: ଭବାନୀପାଟଣାରେ ୫ଟି ବେଆଇନ ପାଥୋଲୋଜି ଲ୍ୟାବ୍ ସିଲ୍

କଳାହାଣ୍ଡି ଜିଲ୍ଲା ପ୍ରଶାସନ ଆର ସ୍ୱାସ୍ଥ୍ୟ ବିଭାଗ ମିଶିକରି ମାର୍ଚ୍ଚ ୬ ତାରିଖ ଦିନ ଭବାନୀପାଟଣା ସହରର ବିଭିନ୍ନ ଜାଗାନେ ଚଢ଼ାଉ କରିଛନ। ମାଜିଷ୍ଟ୍ରେଟଙ୍କ ଉପସ୍ଥିତିରେ ହେଇଥିବା ଏଇ ଚଢ଼ାଉରେ ୫ଟି ନାମୀଦାମୀ ପାଥୋଲୋଜି ଲ୍ୟାବକୁ ସିଲ୍ କରାଯାଇଛେ। ପୁରୁଣା ବସ୍ ଷ୍ଟାଣ୍ଡ ପାଖରେ ଥିବା କଳାହାଣ୍ଡି ଏକ୍ସ-ରେ, କଳାହାଣ୍ଡି ଡାଇଗ୍ନୋଷ୍ଟିକ ସେଣ୍ଟର, ବାଲାଜୀ ମନ୍ଦିର ପାଖର ଓମ୍ ଶାନ୍ତି ପାଥୋଲୋଜି, ଜିଲ୍ଲା ମୁଖ୍ୟ ଚିକିତ୍ସାଳୟ ପାଖର ଆଶା ପାଥୋଲୋଜି ଆର ସାଇ ଆରୋଗ୍ୟ ପାଥୋଲୋଜି ଉପରେ ଏଇ କାର୍ଯ୍ୟାନୁଷ୍ଠାନ ହେଇଛେ। ଯାଞ୍ଚ ବେଳେ ଜଣାପଡ଼ିଥିଲା ଯେ, ଏଇ ଲ୍ୟାବ୍ ମାନଙ୍କର ଲାଇସେନ୍ସ ୨୦୧୭ ଆର ୨୦୧୮ ମସିହାରୁ ସରିଗଲାଣ ପଛେ ବି ସେମାନେ ବେଆଇନ ଭାବେ ଲୋକଙ୍କର ରକ୍ତ ପରୀକ୍ଷା କରୁଥିଲେ। ଏଡିଏମଓ ନିହାରେନ୍ଦୁ ପଣ୍ଡାଙ୍କ କହିବା କଥା ହେଲା, ଏଇ ଲ୍ୟାବ୍ ମାନଙ୍କ ପାଖେ ନା ଅଗ୍ନିଶମ ସାର୍ଟିଫିକେଟ ଥିଲା, ନା ପ୍ରଦୂଷଣ ନିୟନ୍ତ୍ରଣ ବୋର୍ଡର ଅନୁମତି ଥିଲା। ଏପରିକି ମହିଳା ଆର ପୁରୁଷଙ୍କ ପାଇଁ ଅଲଗା ପାଇଖାନା ଭଳି ସର୍ବନିମ୍ନ ସୁବିଧା ବି ଏଠାନେ ନାଇଁଥିଲା। ତହସିଲଦାର କ୍ଷୀରୋଦ ନାଗ ଆର ଟାଉନ୍ ଥାନା ଅଧିକାରୀ ପ୍ରଦ୍ୟୁମ୍ନ ମହାପାତ୍ରଙ୍କ ଟିମ୍ ଏଇ ପୁରା ଚଢ଼ାଉରେ ସାମିଲ ଥିଲେ।