ଜଙ୍ଗଲର ନିଆଁକୁ ନିୟନ୍ତ୍ରଣ ପାଇଁ ଜନସାଧାରଣଙ୍କ ସହଯୋଗ ଲୋଡିଲେ ଡିଏଫ୍ଓ।

ଜଙ୍ଗଲର ନିଆଁକୁ ନିୟନ୍ତ୍ରଣ ପାଇଁ ଜନସାଧାରଣଙ୍କ ସହଯୋଗ ଲୋଡିଲେ ଡିଏଫ୍ଓ।

କେନ୍ଦୁଝର -୦୬/୦୩ (ଖଣ୍ଡାଧାର ନିଉଜ) ଜଙ୍ଗଲ ନିଆଁ ରୋକିବା ପାଇଁ ଲୋକଙ୍କ ସହଯୋଗ ଲୋଡିଲେ ଡିଏଫ୍ଓ ଧନରାଜ ଏଚଡି । ଚଳିତବର୍ଷ ବ୍ୟାପକ ସତର୍କତା ଅବଲମ୍ବନ କରାଯାଇଥିବାରୁ ଗତବର୍ଷ ଅପେକ୍ଷା ଜଙ୍ଗଲ ନିଆଁକୁ ଯଥେଷ୍ଟ ନିୟନ୍ତ୍ରଣ କରାଯିବା ପାଇଁ ପ୍ରସ୍ତୁତି କରାଯାଉଛି । ଜଙ୍ଗଲ ନିଆଁ ଯୋଗୁଁ ପ୍ରତିବର୍ଷ ଶହ ଶହ ହେକ୍ଟର ଜଙ୍ଗଲ ଜଳିପୋଡି ନଷ୍ଟ ହେଉଛି । ଚଳିତ ବର୍ଷ ମଧ୍ୟ ବହୁ ସ୍ଥାନରେ ଜଙ୍ଗଲ ନିଆଁ ଚିନ୍ତାର ବିଷୟ ହୋଇଛି । ଅଦ୍ୟବାଧି ୭ ଟି ରେଞ୍ଜରେ ୪୫୨ ଟି ଫାୟାର ପଏଣ୍ଟ ଚିହ୍ନଟ ହୋଇଛି । ସେଥିମଧ୍ୟରୁ ୪୪୬ ଜଙ୍ଗଲ ଏବଂ ୬ ଟି ଅଣଜଙ୍ଗଲ ସ୍ଥାନରେ ଚିହ୍ନଟ ହୋଇଛି । ଘଟଗାଁ ବନାଞ୍ଚଳ ରେ ୧୭୦ଟି ସ୍ଥାନରେ ନିଆଁ ଲାଗିଥିବା ରିପୋର୍ଟ ମିଳିଥିବାବେଳେ ତେଲକୋଇରେ ୧୨୬ଟି,କେନ୍ଦୁଝର ବନାଞ୍ଚଳରେ ୫୭ଟି,ପାଟଣା ବନାଞ୍ଚଳରେ ୫୨ଟି,ବିଜେପି ବନାଞ୍ଚଳରେ ୧୫ଟି,ବଡବିଲରେ ୨ ଓ ଚମ୍ପୁଆ ବନାଞ୍ଚଳରେ ୩୧ଟି ସ୍ଥାନରେ ନିଆଁ ଲାଗିଥିବା ରିପୋର୍ଟ ମିଳିଛି ବୋଲି ଡିଏଫ୍ଓ ସୂଚନା ଦେଇଛନ୍ତି । କେନ୍ଦୁଝର ବନଖଣ୍ଡରେ ନିଆଁ ଲିଭାଇବା ପାଇଁ ୧୬୦ଟି ଫାୟାର ସ୍କ୍ୱାର୍ଡ ଓ ଅନ୍ୟାନ୍ୟ ସ୍କ୍ୱାର୍ଡ ଗଠନ କରାଯାଇଛି । ପ୍ରତି ଛୋଟ ଛୋଟ ଅଞ୍ଚଳରେ ଏହି କର୍ମଚାରୀମାନେ ପହରା ଦେଇ ନିଆଁକୁ ଆୟତ୍ତ କରୁଛନ୍ତି । ଏହାବ୍ୟତୀତ ୨୦୦ଟି ବ୍ଲୋୟର ମେସିନ ଓ ୧୨ଟି ଚାରି ଚକିଆ ଗାଡି ଯୋଗାଇ ଦିଆଯାଇଛି । ପ୍ରତି ୧୦ ଜଣ ସ୍କ୍ୱାର୍ଡ ପାଇଁ ଗୋଟିଏ ଗାଡିର ବ୍ୟବସ୍ଥା କରାଯାଇଛି । ଜଙ୍ଗଲର ନିଆଁକୁ ନିୟନ୍ତ୍ରଣ କରିବାକୁ ପ୍ରତ୍ୟେକ ଖଣି କମ୍ପାନୀ ୫ ଜଣ କରି କର୍ମଚାରୀଙ୍କୁ ନିୟୋଜିତ କରିବାକୁ ନିର୍ଦେଶ ଦିଆଯାଇଛି । ଚଳିତ ବର୍ଷ ୧୨୩୨ କିଲୋମିଟର ଫାୟାର ଲାଇନ କରାଯାଇଛି । ଜଙ୍ଗଲ ନିଆଁ ରୋକିବା ଏବଂ ପେଟ୍ରୋଲିଂ ପାଇଁ ୧୨ ଟି ଗାଡି ନିୟୋଜିତ କରାଯାଇଛି । ଯେଉଁ ସ୍ଥାନରେ ଅଧିକ ନିଆଁ ଲାଗୁଛି ସେଠାରେ ଅଧିକ ଫାୟlର ସ୍କବାର୍ଡ ନିୟୋଜିତ କରାଯାଇଛି । ଖରାଦିନ ଆରମ୍ଭରୁ କେନ୍ଦୁଝର ଜିଲ୍ଲାର ବିଭିନ୍ନ ଜଙ୍ଗଲ ମାନଙ୍କରେ ନିଆଁ ଲାଗିବା ଆରମ୍ଭ ହୋଇଯାଇଛି । ଗୋଟିଏ ପଟେ ମଣିଷ ଦ୍ୱାରା କୃତ୍ରିମ ଜଙ୍ଗଲ ପୋଡି, ଅନ୍ୟପଟେ ଖଣି ମାଲିକ ଓ କାଠ ମାଫିଆମାନଙ୍କ ଦ୍ୱାରା ଜଙ୍ଗଲ ଧ୍ୱଂସ ଏଥିରେ ସନ୍ଧେହ ନାହିଁ । ଜଙ୍ଗଲ ନିଆଁକୁ ରୋକିବା ପାଇଁ ରାଜ୍ୟ ସରକାର ବନବିଭାଗକୁ ସମସ୍ତ ସହଯୋଗ କରୁଥିବାବେଳେ ଏଥିନେଇ ସ୍ୱତନ୍ତ୍ର ସ୍କ୍ୱାର୍ଡ ଗଠନ କରାଯାଇଛି । ଚଳିତବର୍ଷ ଖଣି କମ୍ପାନୀମାନେ ମଧ୍ୟ ଜଙ୍ଗଲ ନିଆଁକୁ ନିୟନ୍ତ୍ରଣ ପାଇଁ କର୍ମଚାରୀ ନିୟୋଜିତ କରିବେ । ଗତବର୍ଷ ଅପେକ୍ଷା ଚଳିତବର୍ଷ ଅଧିକ ଅଗ୍ନିକାଣ୍ଡ ଘଟିଥିବା ରିପୋର୍ଟ ମିଳିଛି । ଅଦ୍ୟାବଧି କେନ୍ଦୁଝର ବନଖଣ୍ଡର ୭ଟି ବନାଞ୍ଚଳର ୪୫୨ଟି ସ୍ଥାନରେ ନିଆଁ ଲାଗିଥିବା ରିପୋର୍ଟ ମିଳିଛି । ସେଥିମଧ୍ୟରୁ ଘଟଗାଁ ବନାଞ୍ଚଳରେ ସର୍ବାଧିକ ୧୭୦ଟି ସ୍ଥାନରେ ନିଆଁ ଲାଗିଛି । ଆଗକୁ ଜଙ୍ଗଲ ନିଆଁ ନିୟନ୍ତ୍ରଣ ପାଇଁ ସମସ୍ତ ପଦକ୍ଷେପ ଗ୍ରହଣ କରାଯାଉଛି ବୋଲି ଡିଏଫ୍ଓ କହିଛନ୍ତି । ବିରଳ ବନ୍ୟପ୍ରାଣୀ କେନ୍ଦୁଝର ବନଖଣ୍ଡରେ ଚଳପ୍ରଚଳ କରୁଥିବାରୁ ଜଙ୍ଗଲ ନିଆଁକୁ ନିୟନ୍ତ୍ରଣ ପାଇଁ ସ୍ୱତନ୍ତ୍ର ପଦକ୍ଷେପ ଗ୍ରହଣ କରାଯାଉଛି । ୧୬୦ ଜଣ ଫାୟାର ସ୍କ୍ୱାର୍ଡ ୨୪୭ଟି ବ୍ଲୋୟର ମେସିନ୍ ଧରି ବନ କର୍ମଚାରୀ ନିଆଁ ଲାଗିବା ମାତ୍ରେ ୩ ଘଣ୍ଟା ମଧ୍ୟରେ ଘଟଣାସ୍ଥଳରେ ପହଁଚି ନିଆଁକୁ ଆୟତ୍ତ କରିବାକୁ ପ୍ରଶିକ୍ଷଣ ଦିଆଯାଇଛି ବୋଲି ଡିଏଫ୍ଓ କହିଛନ୍ତି । ଏହାସହିତ ୪୯୨ ବନ ସୁରକ୍ଷା ସମିତି ନିଆଁକୁ ନିୟନ୍ତ୍ରଣ ପାଇଁ ଦାୟିତ୍ୱ ଦିଆଯାଇଛି । ମହିଳାମାନେ ଜଙ୍ଗଲରେ ଫାୟାର ଲାଇନ୍ କରି ନିଆଁକୁ ନିୟନ୍ତ୍ରଣ ପାଇଁ ଦାୟିତ୍ୱ ଦିଆଯାଇଛି । ମହିଳାମାନେ ଜଙ୍ଗଲରେ ଫାୟାର ଲାଇନ୍ କରି ନିଆଁକୁ ଆୟତ୍ତ କରୁଥିବାରୁ କେନ୍ଦୁଝର ବନଖଣ୍ଡ ଏବେ ନିୟନ୍ତ୍ରଣରେ ରହିଛି ବୋଲି ବନବିଭାଗ ପକ୍ଷରୁ କୁହାଯାଇଛି । ଜଙ୍ଗଲର ସୁରକ୍ଷା ଦାୟିତ୍ୱ ସ୍ଥାନୀୟ ଅଞ୍ଚଳବାସୀଙ୍କ ଉପରେ ଦାୟିତ୍ୱ ନ୍ୟସ୍ତ କରାଯାଇଛି । ଏବେ ବିରଳ ବନ୍ୟପ୍ରାଣୀ ଯୋଗୁଁ ଅଟେଇ ସଂରକ୍ଷିତ ଜଙ୍ଗଲରେ ସାଧାରଣ ଲୋକଙ୍କ ପ୍ରବେଶ ଉପରେ ଅଙ୍କୁଶ ଲଗାଯାଇଛି । ସାଟେଲାଇଟ ମାଧ୍ୟମରେ ବିଭାଗକୁ ଜଙ୍ଗଲ ନିଆଁ ସଂପର୍କରେ ସୂଚନା ମିଳୁଥିବାବେଳେ ବନ କର୍ମଚାରୀ ଓ କଣ୍ଟ୍ରୋଲ ରୁମ୍ ନମ୍ବର ମଧ୍ୟ ଜାରି କରାଯାଇଛି । ଜଙ୍ଗଲରେ ନିଆଁକୁ ଦେଖିବା ମାତ୍ରେ ବନବିଭାଗକୁ ଫୋନ୍ କରି ସହଯୋଗ କରିବାକୁ ଡିଏଫ୍ଓ ନିବେଦନ କରିଛନ୍ତି । ଏ ସଂପର୍କରେ ଡିଏଫ୍ଓ ଧନରାଜ ଏଚ୍ଡି ଙ୍କୁ ପଚାରିବାରୁ ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ପାଇଁ ବିଭାଗ ପକ୍ଷରୁ ସମସ୍ତ ପଦକ୍ଷେପ ଗ୍ରହଣ କରାଯାଉଛି । ଡିଭିଜନ କାର୍ଯ୍ୟାଳୟରେ ଅନୁଷ୍ଠିତ ପ୍ରେସମିଟ୍ ରେ ଆଇଏଏଫ୍ଏସ୍ ପ୍ରତୀକ ଇନ୍ଦଲକର,ଏସିଏଫ୍ ଅଶୋକ କୁମାର ଦାସ ପ୍ରମୁଖ ଯୋଗଦେଇ ଜଙ୍ଗଲ ନିଆଁ ନିୟନ୍ତ୍ରଣ ସଂପର୍କରେ ବିଭିନ୍ନ ସୂଚନା ଦେଇଥିଲେ । (ସତ୍ୟଜିତ ମିଶ୍ରଙ୍କ ରିପୋର୍ଟ)