تھانہ رابوڈی خدمت گروپ کی جانب سے رمضان شریف میں سحری کا اہتمام

تھانہ نامہ نگار محمّد جاوید

ماہِ رمضان کی برکتوں کے پیشِ نظر رابوڑی خدمت گروپ کی جانب سے روزہ داروں کے لیے سحری کا معقول انتظام کیا جا رہا ہے۔ اس نیک کام میں عوام کی جانب سے بھرپور تعاون بھی حاصل ہو رہا ہے۔
گروپ کے اراکین روزانہ سحری کے وقت چھترپتی شیواجی اسپتال پہنچ کر مریضوں کے تیمارداروں اور ضرورت مند روزہ داروں میں سحری تقسیم کرتے ہیں۔ اس اقدام سے اسپتال میں موجود لوگوں کو کافی سہولت مل رہی ہے۔
ذمہ داران کے مطابق رمضان ہمدردی اور خدمت کا مہینہ ہے، اور اسی جذبے کے تحت یہ سلسلہ پورے ماہ جاری رکھا جائے گا۔ علاقے کے لوگوں نے بھی اس خدمت کو سراہتے ہوئے آئندہ تعاون کا یقین دلایا ہے۔