కోటవురట్ల శివాజీ హిందూ సంక్షేమ సంఘం ఆధ్వర్యంలో ఆహ్వాన పత్రిక ఆవిష్కరణ

అనకాపల్లి జిల్లా కోటవురట్ల మండలం: కోటవురట్ల శివాజీ హిందూ సంక్షేమ సంఘం ఆధ్వర్యంలో మార్చి 14న చత్రపతి శివాజీ విగ్రహావిష్కరణ కార్యక్రమం నిర్వహించనున్నారు. ఈ సందర్భంగా ఆహ్వాన పత్రికల తయారీ పనులు పూర్తి చేయబడ్డాయి.ఈ రోజు మొదట శివాలయంలో స్వామివారికి పూజలు నిర్వహించుకున్న తర్వాత, బిజెపి యువమోర్చా రాష్ట్ర కార్యదర్శి రుద్రరాజు నరేంద్ర వర్మ చేతుల మీదుగా ఆహ్వాన పత్రికలు ఆవిష్కరించబడ్డాయి. సంఘం సభ్యులు, స్థానిక నాయకులు ఈ కార్యక్రమంలో పాల్గొని పత్రికలు అందుకున్నారు.చత్రపతి శివాజీ మహారాజ్ ఆదర్శాలను ప్రజల్లోకి ప్రచారం చేయడానికి ఈ కార్యక్రమం నిర్వహిస్తున్నామని సంఘం నాయకులు తెలిపారు. మార్చి 14న జరిగే విగ్రహావిష్కరణకు స్థానికులు, సమాజ పరిరక్షకులు అందరూ సహకరించాలని ఆహ్వానించారు.ఈ కార్యక్రమం ద్వారా హిందూ సంస్కృతి, శివాజీ ధైర్యసాహసాలు ప్రజల్లోకి చేరాలని ఆశాభావం వ్యక్తం చేశారు.