ରାଶିଫଳ ଆଜି, ୧୮ ଫେବ୍ରୁଆରୀ, ବୁଧବାର

*ରାଶିଫଳ ଆଜି, ୧୮ ଫେବ୍ରୁଆରୀ, ବୁଧବାର*

ମେଷ ରାଶି: ଆଜିର ଦିନଟି ଆପଣଙ୍କ ପାଇଁ କିଛିଟା ଦ୍ୱନ୍ଦ୍ୱପୂର୍ଣ୍ଣ ରହିପାରେ, ତଥାପି ଆପଣ ନିଜର ବୁଦ୍ଧିମତା ପ୍ରୟୋଗ କରି ସମସ୍ୟାରୁ ମୁକୁଳି ପାରିବେ। ବିଶେଷ କରି ପାରିବାରିକ କ୍ଷେତ୍ରରେ ଦୀର୍ଘ ଦିନରୁ ଚାଲିଆସୁଥିବା ମନୋମାଳିନ୍ୟ ଓ ସମସ୍ୟାଗୁଡ଼ିକ ଆଜି ଅନେକାଂଶରେ ସମାଧାନ ହୋଇଯିବ। ଆପଣଙ୍କ ଜୀବନସାଥୀ ଆପଣଙ୍କର ପ୍ରତ୍ୟେକ ନିଷ୍ପତ୍ତିରେ ପୂର୍ଣ୍ଣ ସମର୍ଥନ ପ୍ରଦାନ କରିବେ, ଯାହା ଆପଣଙ୍କୁ ମାନସିକ ଶାନ୍ତି ଦେବ। ଆପଣଙ୍କର କାର୍ଯ୍ୟଦକ୍ଷତା ଓ ପ୍ରଗତି ଦେଖି ଭାଇଭଉଣୀମାନେ ଅତ୍ୟନ୍ତ ଖୁସି ହେବେ। ଆଜି କୌଣସି ନୂତନ ସମ୍ପତ୍ତି କିମ୍ବା ଜମିବାଡ଼ିରେ ନିବେଶ କରିବା ପାଇଁ ସମୟ ଅନୁକୂଳ ଅଛି। ତେବେ ସ୍ୱାସ୍ଥ୍ୟ ପ୍ରତି ସାମାନ୍ୟ ସତର୍କ ରୁହନ୍ତୁ, କାରଣ ଅତ୍ୟଧିକ ପରିଶ୍ରମ ଯୋଗୁଁ ଶରୀର କ୍ଳାନ୍ତ ହୋଇପାରେ। କାମ ସହିତ ନିଜ ସ୍ୱାସ୍ଥ୍ୟର ଉପଯୁକ୍ତ ଯତ୍ନ ନେବା ଆବଶ୍ୟକ।

ବୃଷ ରାଶି: ଆଜି ଆପଣଙ୍କ ପାଇଁ ଏକ ଅତ୍ୟନ୍ତ ଶୁଭ ଓ ଲାଭଦାୟକ ଦିନ ହେବ। କର୍ମକ୍ଷେତ୍ରରେ ଆପଣଙ୍କର ନୂତନ ଚିନ୍ତାଧାରା ଓ ସୃଜନଶୀଳ ଶୈଳୀ ଉଚ୍ଚ ପଦସ୍ଥ ଅଧିକାରୀଙ୍କ ଦୃଷ୍ଟି ଆକର୍ଷଣ କରିବ, ଯାହାଫଳରେ ଆପଣ ଉପକୃତ ହେବେ। ସାମାଜିକ କାର୍ଯ୍ୟରେ ଜଡ଼ିତ ଥିବା ବ୍ୟକ୍ତିମାନଙ୍କର ସମ୍ମାନ ଓ ଜନସମର୍ଥନ ବୃଦ୍ଧି ପାଇବ। କୌଣସି ବଡ଼ ପଦବୀ କିମ୍ବା ଗୁରୁତ୍ୱପୂର୍ଣ୍ଣ ଦାୟିତ୍ୱ ମିଳିବାର ସମ୍ଭାବନା ରହିଛି, ଯାହା ଆପଣଙ୍କୁ ଆନନ୍ଦିତ କରିବ। ସହକର୍ମୀମାନେ ଆପଣଙ୍କ ସହ କାନ୍ଧକୁ କାନ୍ଧ ମିଶାଇ କାର୍ଯ୍ୟ କରିବେ। କର୍ମକ୍ଷେତ୍ରରେ ବରିଷ୍ଠ ଅଧିକାରୀ କିମ୍ବା ବସ୍‌ଙ୍କ କଥାକୁ ଆଦୌ ଅଣଦେଖା କରନ୍ତୁ ନାହିଁ। ଆଜି ପିତାଙ୍କ ସ୍ୱାସ୍ଥ୍ୟକୁ ନେଇ ସାମାନ୍ୟ ଯତ୍ନବାନ ହେବାକୁ ପଡିବ।

ମିଥୁନ ରାଶି: ଆଜିର ଦିନଟି ଆପଣଙ୍କ ସାମାଜିକ ପ୍ରତିଷ୍ଠା ଓ ସମ୍ମାନରେ ଅଭିବୃଦ୍ଧି ଆଣିବ। କର୍ମକ୍ଷେତ୍ରରେ କାର୍ଯ୍ୟର ଚାପ ରହିବ, ଯାହାଫଳରେ ଆପଣ ଅଧିକ ବ୍ୟସ୍ତ ରହିବେ। ପ୍ରେମ ସମ୍ପର୍କରେ ଥିବା ବ୍ୟକ୍ତିମାନେ ସାମାନ୍ୟ ସମସ୍ୟାର ସମ୍ମୁଖୀନ ହୋଇପାରନ୍ତି, ତେଣୁ ନିଜ ସାଥୀଙ୍କ ଭାବନା ଓ ଆବଶ୍ୟକତାକୁ ସମ୍ମାନ ଦେବା ଶ୍ରେୟସ୍କର। ପୂର୍ବର ଅଭିଜ୍ଞତା ଆଜି ଆପଣଙ୍କୁ ଜଟିଳ କାର୍ଯ୍ୟ ସମାଧାନ କରିବାରେ ବହୁତ ସାହାଯ୍ୟ କରିବ। ଯଦି ଆପଣଙ୍କୁ କୌଣସି ନୂତନ ବା ବଡ଼ ଦାୟିତ୍ୱ ଅର୍ପଣ କରାଯାଏ, ତେବେ ଆପଣ ତାହାକୁ ଅତି ଦକ୍ଷତାର ସହ ପୂରଣ କରିପାରିବେ। ମନ ଉତ୍ସାହିତ ରହିବ।

କର୍କଟ ରାଶି: ଆଜି ଆପଣଙ୍କ ପାଇଁ ଏକ ଅନୁକୂଳ ଓ ସକାରାତ୍ମକ ଦିନ ରହିବ। ଭାଗ୍ୟର ସାହାଯ୍ୟ ଯୋଗୁଁ ଉନ୍ନତି ପଥରେ ଆଗକୁ ବଢ଼ିବାର ଅନେକ ସୁଯୋଗ ମିଳିବ ଏବଂ ଚାକିରି କ୍ଷେତ୍ରରେ ପଦୋନ୍ନତି କିମ୍ବା ବେତନ ବୃଦ୍ଧିର ଖବର ମିଳିପାରେ। ମନରେ କୌଣସି ଅଜ୍ଞାତ ଭୟ କିମ୍ବା ଅନାବଶ୍ୟକ ଚିନ୍ତା ରହିପାରେ, ଯାହାକୁ ଦୂର କରିବାକୁ ଚେଷ୍ଟା କରନ୍ତୁ। ନିଜର ସ୍ୱାସ୍ଥ୍ୟ ଓ ଖାଦ୍ୟପେୟ ପ୍ରତି ସଜାଗ ରହିବା ଆବଶ୍ୟକ। ଯଦି ଆଜି ଆପଣ କୌଣସି ଜରୁରୀ କାର୍ଯ୍ୟ ପାଇଁ ଯାତ୍ରା କରୁଛନ୍ତି, ତେବେ ଯାନବାହନ ଚଳାଇବା ସମୟରେ ଅଧିକ ସତର୍କତା ଅବଲମ୍ବନ କରନ୍ତୁ।

ସିଂହ ରାଶି: ଆଜି ଦିନଟି ଆପଣଙ୍କ ପାଇଁ ଅତ୍ୟନ୍ତ ଶୁଭଫଳଦାୟୀ ଓ ଲାଭଦାୟକ ରହିବ। ସାମାଜିକ ଓ ବ୍ୟବସାୟିକ କ୍ଷେତ୍ରରେ ଆପଣଙ୍କର ପଦ-ମର୍ଯ୍ୟାଦା ଓ ପ୍ରତିଷ୍ଠା ବୃଦ୍ଧି ପାଇବ। ସନ୍ତାନର ସ୍ୱାସ୍ଥ୍ୟ ପ୍ରତି ସାମାନ୍ୟ ଧ୍ୟାନ ଦେବା ଆବଶ୍ୟକ। ଦାମ୍ପତ୍ୟ ଜୀବନ ମଧୁର ଓ ସୁଖମୟ ରହିବ। ନୂତନ ବ୍ୟବସାୟ କିମ୍ବା ପ୍ରୋଜେକ୍ଟ ଆରମ୍ଭ କରିବା ପାଇଁ ଆଜି ମାନସିକ ସ୍ତରରେ ପ୍ରସ୍ତୁତି କରିପାରିବେ। ବ୍ୟବସାୟିକ ଯାତ୍ରା ଲାଭପ୍ରଦ ହେବ ଏବଂ ଏହା ନୂତନ ଦ୍ୱାର ଉନ୍ମୁକ୍ତ କରିବ। ଦୀର୍ଘ ଦିନର ବ୍ୟବଧାନ ପରେ ଜଣେ ପ୍ରିୟ ବନ୍ଧୁଙ୍କୁ ଭେଟି ଆପଣ ଅତ୍ୟନ୍ତ ଆନନ୍ଦିତ ହେବେ।

କନ୍ୟା ରାଶି: ଆଜି ଆପଣଙ୍କ ପାଇଁ ସକାରାତ୍ମକ ପରିଣାମ ମିଳିବାର ଦିନ। କୌଣସି ବି ଗୁରୁତ୍ୱପୂର୍ଣ୍ଣ କାର୍ଯ୍ୟ କରିବା ସମୟରେ ତରତର ହୁଅନ୍ତୁ ନାହିଁ, ବରଂ ଧୈର୍ଯ୍ୟର ସହ ନିଷ୍ପତ୍ତି ନିଅନ୍ତୁ। ସାମାଜିକ ସଂଗଠନ ସହ ଜଡ଼ିତ ଲୋକଙ୍କୁ ସାମାନ୍ୟ ଅଧିକ ପରିଶ୍ରମ କରିବାକୁ ପଡିପାରେ, କିନ୍ତୁ ଏହାର ଫଳ ସୁମିଠା ହେବ। ସମାଜରେ ଆପଣଙ୍କ ପ୍ରତିଛବି ଆହୁରି ସ୍ୱଚ୍ଛ ଓ ଉନ୍ନତ ହେବ। ପରିବାରର କୌଣସି ସଦସ୍ୟଙ୍କଠାରୁ ସାମାନ୍ୟ ଦୁଃଖଦ ଖବର ଶୁଣି ମନ ଟିକେ ବିଚଳିତ ହୋଇପାରେ। ନିଜର ବୁଦ୍ଧି ଓ ବିବେକ ବଳରେ ଆପଣ ଜଟିଳ କାର୍ଯ୍ୟକୁ ସହଜ କରିବାରେ ସଫଳ ହେବେ।

ତୁଳା ରାଶି: ଆଜିର ଦିନଟି ଆପଣଙ୍କ ପାଇଁ ବହୁତ ଫଳପ୍ରଦ ଓ ଆନନ୍ଦଦାୟକ ରହିବ। ପରିବାର ସଦସ୍ୟଙ୍କ ସହ ମିଶି ସମୟ ବିତାଇବା ଦ୍ୱାରା ଘରୋଇ ସମସ୍ୟାଗୁଡ଼ିକର ସହଜ ସମାଧାନ ବାହାରିବ। ବନ୍ଧୁବାନ୍ଧବଙ୍କଠାରୁ ଆବଶ୍ୟକ ସମୟରେ ପୂର୍ଣ୍ଣ ସହଯୋଗ ମିଳିବ। ଅପ୍ରତ୍ୟାଶିତ ଖର୍ଚ୍ଚ ବୃଦ୍ଧି ପାଇବା ଯୋଗୁଁ ଆର୍ଥିକ ସ୍ଥିତି ଉପରେ ଚାପ ପଡିପାରେ, ତେଣୁ ବ୍ୟୟ ଉପରେ ନିୟନ୍ତ୍ରଣ ରଖନ୍ତୁ। କୌଣସି ଖବର ପାଇଲେ ତାହାର ସତ୍ୟାସତ୍ୟ ନଜାଣି ତୁରନ୍ତ ଫରୱାର୍ଡ କରନ୍ତୁ ନାହିଁ। ଶିକ୍ଷାର୍ଥୀମାନେ ନିଜର ପାଠପଢ଼ାକୁ ନେଇ କିଛିଟା ଚିନ୍ତିତ ରହିପାରନ୍ତି, ତେଣୁ ମନଯୋଗ ଦେବା ଆବଶ୍ୟକ।

ବିଛା ରାଶି: ଆଜି ଆପଣଙ୍କ ପାଇଁ ଏକ ମଜାଦାର ଓ ଉତ୍ସାହଜନକ ଦିନ। ଯଦି ଆପଣ ପୂର୍ବରୁ ଷ୍ଟକ୍ ମାର୍କେଟ୍ ବା ଶେୟାର ବଜାରରେ ନିବେଶ କରିଛନ୍ତି, ତେବେ ଆଜି ବଡ଼ ଧରଣର ଆର୍ଥିକ ଲାଭ ମିଳିବାର ସମ୍ଭାବନା ଅଛି। ଆପଣଙ୍କର ଦୈନିକ ଖର୍ଚ୍ଚଗୁଡ଼ିକ ଆୟରୁ ସହଜରେ ଭରଣା ହୋଇଯିବ। ସରକାରୀ ଚାକିରି ପାଇଁ ପ୍ରତିଯୋଗିତାମୂଳକ ପରୀକ୍ଷା ଦେଉଥିବା ଛାତ୍ରଛାତ୍ରୀମାନେ ଶୁଭଫଳ ପାଇବେ। କ୍ୟାରିୟର ପାଇଁ କୌଣସି ବାହାର ସ୍ଥାନକୁ ଯାତ୍ରା କରିବାକୁ ପଡିପାରେ। ଆଇନଗତ କାର୍ଯ୍ୟଗୁଡ଼ିକୁ ଅତି ଗମ୍ଭୀରତାର ସହ ନିଅନ୍ତୁ ଏବଂ ନିଜର କର୍ତ୍ତବ୍ୟ ଅନ୍ୟ ଉପରେ ନ୍ୟସ୍ତ କରନ୍ତୁ ନାହିଁ।

ଧନୁ ରାଶି: ଆଜି ଆପଣ ଆତ୍ମବିଶ୍ୱାସରେ ଭରପୂର ରହିବେ। କର୍ମକ୍ଷେତ୍ରରେ କିଛି ନୂତନ ଓ ଜଟିଳ ଦାୟିତ୍ୱ ମିଳିବା କାରଣରୁ ମନରେ ସାମାନ୍ୟ ଚିନ୍ତା ଆସିପାରେ, କିନ୍ତୁ ଆପଣ ନିଜର ଦକ୍ଷତା ବଳରେ ତାକୁ ପୂରଣ କରିପାରିବେ। କାମରେ ଏକାଗ୍ରତା ରଖନ୍ତୁ। ଧାର୍ମିକ କାର୍ଯ୍ୟରେ ଆପଣଙ୍କର ରୁଚି ବଢ଼ିବ ଏବଂ ମନ୍ଦିର ଦର୍ଶନର ଯୋଗ ଅଛି। ପରିବାର ସହ ବସି ଆର୍ଥିକ ସମସ୍ୟାର ସମାଧାନ ପାଇଁ ଆଲୋଚନା କରନ୍ତୁ। ନୂତନ କର୍ମସଂସ୍ଥାନ ବା ବ୍ୟବସାୟ ଆରମ୍ଭ କରିବା ପାଇଁ ଦିନଟି ବହୁତ ଶୁଭ।

ମକର ରାଶି: ଆଜି ଆପଣଙ୍କ ପାଇଁ ଏକ ଆନନ୍ଦମୟ ଓ ସୁଖଦାୟକ ଦିନ ହେବ। ଆୟ ବୃଦ୍ଧି ପାଇଁ ଆପଣ କରିଥିବା ପ୍ରୟାସ ସଫଳ ହେବ, ଯାହାଫଳରେ ଆର୍ଥିକ ସ୍ଥିତି ମଜବୁତ ହେବ। ଘରେ କୌଣସି ମାଙ୍ଗଳିକ ବା ଶୁଭ କାର୍ଯ୍ୟର ଆୟୋଜନ ହୋଇପାରେ। ପିଲାମାନଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିବାରେ ସଫଳ ହେବେ, ଯାହା ଘରେ ଖୁସିର ପରିବେଶ ଆଣିବ। ପରିବାର ସଦସ୍ୟଙ୍କ ଆବଶ୍ୟକତାକୁ ପ୍ରାଥମିକତା ଦିଅନ୍ତୁ। ଆତ୍ମୀୟ ସ୍ୱଜନଙ୍କ ସହ ରକ୍ତ ସମ୍ପର୍କ ଆହୁରି ନିବିଡ଼ ଓ ମଜବୁତ ହେବ।

କୁମ୍ଭ ରାଶି: ଆଜିର ଦିନଟି ଆପଣଙ୍କ ପାଇଁ ମିଶ୍ରିତ ଫଳାଫଳ ଆଣିବ। କୋର୍ଟ-କଚେରୀ ସମ୍ବନ୍ଧୀୟ ମାମଲାରେ ଆପଣଙ୍କ ସପକ୍ଷରେ ନିଷ୍ପତ୍ତି ଆସିପାରେ। ଆପଣଙ୍କର କଠିନ ପରିଶ୍ରମର ପୂର୍ଣ୍ଣ ସୁଫଳ ପାଇବାର ସମୟ ଆସିଛି। ପାରିବାରିକ ସମସ୍ୟାଗୁଡ଼ିକୁ ଆଲୋଚନା ମାଧ୍ୟମରେ ସମାଧାନ କଲେ ମଧୁରତା ବଜାୟ ରହିବ। ଧାର୍ମିକ କାର୍ଯ୍ୟରେ ମନ ନିବେଶ କରିବେ। ଚାକିରି କ୍ଷେତ୍ରରେ ଯଦି କୌଣସି ସମସ୍ୟା ଥିଲା, ତେବେ ତାହା ଧୀରେ ଧୀରେ ଦୂର ହୋଇଯିବ। ସ୍ୱାସ୍ଥ୍ୟ ପ୍ରତି ସାମାନ୍ୟ ଧ୍ୟାନ ଦିଅନ୍ତୁ।

ମୀନ ରାଶି: ଆଜି ଆପଣଙ୍କ ପାଇଁ ମଧ୍ୟମ ଧରଣର ଫଳପ୍ରଦ ଦିନ ରହିବ। ସ୍ୱାସ୍ଥ୍ୟଗତ ସମସ୍ୟା କିଛିଟା ଅସୁବିଧାରେ ପକାଇପାରେ, ତେଣୁ ନିଜର ଯତ୍ନ ନିଅନ୍ତୁ। ଆର୍ଥିକ ଦୃଷ୍ଟିକୋଣରୁ ଦିନଟି ଭଲ, କାରଣ ଅଟକି ରହିଥିବା ଟଙ୍କା ପାଇବାର ସୁଯୋଗ ଅଛି। ମାନସିକ ଚାପରୁ ଆଜି ମୁକ୍ତି ମିଳିବ। ଜୀବନସାଥୀଙ୍କ ସହ କୌଣସି ପିକନିକ୍ ବା ବାହାର ସ୍ଥାନକୁ ଭ୍ରମଣରେ ଯାଇ ପାରନ୍ତି, ଯାହା ଆପଣଙ୍କ ସମ୍ପର୍କକୁ ଆହୁରି ମଜବୁତ କରିବ। ମନ ଉତ୍ସାହିତ ରହିବ।