పాక్ రాజకీయాల్లో కలకలం రేపుతున్న ఇమ్రాన్ ఆరోగ్య పరిస్థితి......

జైల్లో ఒంటరితనం... కంటిచూపు కోల్పోతున్న ఇమ్రాన్ ఖాన్!.జైల్లోని ఇమ్రాన్ ఖాన్‌కు 85 శాతం కుడి కంటి చూపు నష్టం
అధికారుల నిర్లక్ష్యం వల్లే ఆరోగ్యం విషమించిందని ఆరోపణలు.వెంటనే వైద్య పరీక్షలు జరపాలని సుప్రీంకోర్టు ఆదేశం
ఫిబ్రవరి 16 లోపు మెడికల్ బోర్డు ఏర్పాటు చేయాలని సూచన.పాక్ రాజకీయాల్లో కలకలం రేపుతున్న ఇమ్రాన్ ఆరోగ్య పరిస్థితి.

పలు కేసుల్లో జైలు శిక్ష అనుభవిస్తున్న పాకిస్థాన్ మాజీ ప్రధాని ఇమ్రాన్ ఖాన్ ఆరోగ్య పరిస్థితిపై తీవ్ర ఆందోళన వ్యక్తమవుతోంది. రావల్పిండిలోని అడియాలా జైల్లో ఉన్న ఆయన తన కుడి కంటిలో 85 శాతం చూపు కోల్పోయినట్లు వెల్లడైంది. ఈ విషయంపై స్పందించిన పాక్ సుప్రీంకోర్టు వెంటనే వైద్య పరీక్షలు నిర్వహించాలని ఆదేశాలు జారీ చేసింది.

సుప్రీంకోర్టు నియమించిన అమికస్ క్యూరీ (కోర్టు సహాయకుడు) బారిస్టర్ సల్మాన్ సఫ్దర్, జైల్లో ఇమ్రాన్ ఖాన్‌ను కలిసిన తర్వాత ఈ వివరాలను నివేదిక రూపంలో కోర్టుకు సమర్పించారు. తన కుడి కంటి చూపు కేవలం 15 శాతానికే పరిమితమైందని ఇమ్రాన్ స్వయంగా చెప్పినట్లు నివేదికలో పేర్కొన్నారు. కొన్ని నెలల క్రితం వరకు బాగానే ఉన్న కన్ను, ఆ తర్వాత మసకబారడం మొదలైందని, ఈ విషయాన్ని జైలు అధికారులకు తెలిపినా వారు పట్టించుకోలేదని ఆయన వివరించారు.