रिसोडमध्ये 'शिवछत्रपती प्रेरणा पुरस्कार' सोहळा उत्साहात संपन्न; विविध क्षेत्रांतील गुणवंतांचा गौरव.

रिसोड (प्रतिनिधी): विद्यार्थी हक्क कृती समिती, महाराष्ट्र राज्य (जिल्हा वाशिम) च्या वतीने आयोजित 'शिवछत्रपती प्रेरणा पुरस्कार' वितरण आणि जिल्हा पदाधिकारी मेळावा ८ फेब्रुवारी २०२६ रोजी रिसोड येथे मोठ्या उत्साहात पार पडला. समाजातील विविध क्षेत्रांत उल्लेखनीय कामगिरी करणाऱ्या व्यक्तींना मान्यवरांच्या हस्ते सन्मानित करण्यात आले.
शिक्षणाचे बाजारीकरण थांबवणे काळाची गरज: सुमित जमधाडे
कार्यक्रमाचे प्रास्ताविक करताना समितीचे जिल्हाध्यक्ष मा. श्री. सुमित मधुकर जमधाडे यांनी पुरस्कारामागची भूमिका स्पष्ट केली. "आजच्या काळात शिक्षणाचे व्यापारीकरण ही मोठी समस्या असून, विद्यार्थी हक्क कृती समिती या बाजारीकरणाविरुद्ध लढा देत आहे. विद्यार्थ्याने केवळ पुस्तकी ज्ञानापुरते मर्यादित न राहता, तो स्वतंत्र विचारांचा आणि रोजगाराभिमुख नागरिक बनावा, हेच समितीचे ध्येय आहे," असे प्रतिपादन त्यांनी केले.
मान्यवरांची उपस्थिती आणि मार्गदर्शन
या सोहळ्याला प्रमुख पाहुणे म्हणून माजी जि.प. सभापती विश्वनाथ सानप, विदर्भवादी नेते दत्तरावजी धांडे, राम भैय्या बाळासाहेब देशमुख, नगरसेवक रोहितभाऊ दांदडे, पं. स. सदस्य राहुलभाऊ बोडखे, आणि वंचित बहुजन आघाडीचे तालुका युवा उपाध्यक्ष तोसिफ शेख उपस्थित होते. मान्यवरांनी आपल्या भाषणातून समितीच्या कार्याचे कौतुक करत विद्यार्थ्यांना सामाजिक जबाबदारीची जाणीव करून दिली.
पुरस्कारार्थींची नामावली
कार्यक्रमात खालील मान्यवरांना त्यांच्या विशेष कार्यासाठी 'आदर्श पुरस्कार' देऊन गौरविण्यात आले:
* आदर्श कृषी शेतकरी: परमेश्वर हुंबाड
* युवा उद्योजक: विठ्ठल बोडखे (सूर्या चाय)
* समाजसेवक: सदानंद गायकवाड
* आरोग्य विभाग: छाया धांडे आणि डॉ. निखिल साळवे
* आदर्श सामाजिक संस्था: सुभेदार रामजी ट्रस्ट, एकता नगर, रिसोड (अध्यक्ष- अलंकार खैरे व सहकारी)
* कला व साहित्य: डॉ. सिद्धार्थ इंगोले
* आदर्श शिक्षक: गजानन घोटे (ग्रामीण) आणि डॉ. प्रकाश हनवते (शहरी)
* सामाजिक कार्य: डॉ. विजय गायकवाड
* क्रीडा: हनुमान कोरडे
* समाज प्रबोधन: शालिकराव पठाडे
* युवा पत्रकार: केशव गरकळ
युवा शक्तीचा गौरव
यावेळी 'शिवछत्रपती युवा सन्मान' देऊन अनेक तरुण-तरुणींना प्रोत्साहित करण्यात आले. यामध्ये सिद्धार्थ घुगे, पवन धांडे (युवा सरपंच), ऋषिकेश महाजन, धीरज वाशिमकर, अंकुश गिरी, सुशील खरात यांच्यासह अनेक युवक-युवतींचा समावेश होता.
कार्यक्रमाचे सूत्रसंचालन कु. गायत्री देशमुख यांनी केले, तर उपस्थितांचे आभार सिद्धार्थ घुगे यांनी मानले. कार्यक्रमाच्या यशस्वीतेसाठी समितीच्या सर्व पदाधिकाऱ्यांनी परिश्रम घेतले.