୰ଶୁଭେନ୍ଦୁ ଓ ୰ଆକାଶ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ।
୰ଶୁଭେନ୍ଦୁ ଓ ୰ଆକାଶ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ।
ରାଇସୁଆଁରେ ଫ୍ଲଡ୍ ଲାଇଟ୍ ତଳେ ରୋମାଞ୍ଚକର ଖେଳ, ବିଜୟୀଙ୍କୁ ପୁରସ୍କାର BBMK ସ୍ପୋର୍ଟସ ପରବର୍ତ୍ତୀ ବର୍ଷ ପାଇଁ ଦୃଢ଼ ସଙ୍କଳ୍ପ।
କେନ୍ଦୁଝର ସଦରମହକୁମା ଅନ୍ତର୍ଗତ ରାଇସୁଆଁ ଖେଳମାଇଦାନରେ ପ୍ରତିବର୍ଷ ଭଳି ଏବେ ବର୍ଷ ମଧ୍ୟ ୰ଶୁଭେନ୍ଦୁ ଓ ୰ଆକାଶ ମେମୋରିଆଲ ଫ୍ଲଡ୍ ଲାଇଟ୍ ସର୍ଟ ବାଉଣ୍ଡରୀ କ୍ରିକେଟ ଟୁର୍ଣ୍ଣାମେଣ୍ଟ ରୋମାଞ୍ଚକର ପରିବେଶରେ ଗତକାଲି ସନ୍ଧ୍ୟାରେ ଉଦଯାପିତ ହୋଇଯାଇଛି। ସ୍ଥାନୀୟ କ୍ରୀଡ଼ାପ୍ରେମୀ ଓ ଯୁବସମାଜଙ୍କ ଭାରି ଉତ୍ସାହ ଓ ଦର୍ଶକମାନଙ୍କ ଭିଡ଼ ମଧ୍ୟରେ ଫ୍ଲଡ୍ ଲାଇଟ୍ ତଳେ ହୋଇଥିବା ଏହି ଟୁର୍ଣ୍ଣାମେଣ୍ଟ ଅଞ୍ଚଳରେ ଏକ ବିଶେଷ ଆକର୍ଷଣ ସୃଷ୍ଟି କରିଥିଲା।
ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ୍ ଅବସରରେ ତେଲକୋଇ ବିଧାୟକ ଡାକ୍ତର ଫକୀରମୋହନ ନାୟକ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ତାଙ୍କ ସହ ଅନେକ ଗଣ୍ୟମାନ୍ୟ ବ୍ୟକ୍ତି, ସ୍ଥାନୀୟ ସମାଜସେବୀ ଓ କ୍ରୀଡ଼ାପ୍ରେମୀ ମାନେ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ। ଅତିଥିମାନେ ଖେଳକୁ ଉପଭୋଗ କରିବା ସହିତ ଖେଳାଳିମାନଙ୍କର କ୍ରୀଡାନୈପୁଣ୍ୟର ଭୁରିଭୁରି ପ୍ରଶଂସା କରିଥିଲେ।
ଏହି ଫ୍ଲଡ୍ ଲାଇଟ୍ ସର୍ଟ ବାଉଣ୍ଡରୀ ଫର୍ମାଟ୍ ମ୍ୟାଚ୍ରେ ଦୁଇ ଦଳ ମଧ୍ୟରେ ଦୃଷ୍ଟିନନ୍ଦନୀୟ ଓ ପ୍ରତିସ୍ପର୍ଦ୍ଧାତ୍ମକ ଖେଳ ଦେଖିବାକୁ ମିଳିଥିଲା। ଦର୍ଶକମାନେ ପ୍ରତ୍ୟେକ ଛକା-ଚାରିରେ ହାତତାଳି ଓ ହୁଙ୍କାରରେ ମାଇଦାନକୁ ଉତ୍ସବମୁଖର କରିଥିଲେ।
ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଥିବା ବି.ବି.ଏମ୍.କେ (BBMK) ସ୍ପୋର୍ଟସ ଦଳ ଫାଇନାଲ୍ରେ ସାହସିକ ପ୍ରଦର୍ଶନ କରିଥିଲେ, କିନ୍ତୁ ଶେଷ ପର୍ଯ୍ୟନ୍ତ ପରାଜୟ ସ୍ୱୀକାର କରି ଏ ବର୍ଷର ରନର୍ସ-ଅପ୍ (ପରାଜିତ) ଦଳ ଭାବେ ସୀମିତ ରହିଗଲେ। ଦଳକୁ ନଗଦ ୨୦,୦୦୦ ଟଙ୍କା ଓ ଟ୍ରଫି ପ୍ରଦାନ କରାଯାଇଥିଲା। ଖେଳାଳିମାନେ ପରାଜୟ ସତ୍ତ୍ୱେ ଉତ୍ସାହ ହାରିନଥିବା ସହ ପରବର୍ତ୍ତୀ ବର୍ଷ ଚାମ୍ପିଆନ୍ଶିପ୍ ଜିତିବା ପାଇଁ ଦୃଢ଼ ସଙ୍କଳ୍ପ ବ୍ୟକ୍ତ କରିଥିଲେ।
ଅତିଥିମାନେ ତାଙ୍କ ଉଦ୍ବୋଧନରେ କହିଥିଲେ ଯେ, ଏପରି ଗ୍ରାମୀଣ କ୍ରିକେଟ ଟୁର୍ଣ୍ଣାମେଣ୍ଟ ଯୁବମାନଙ୍କୁ କ୍ରୀଡ଼ାମୁଖୀ କରିବା ସହିତ ଖରାପ ଅଭ୍ୟାସରୁ ଦୂରେ ରଖେ ଓ ସାମୂହିକ ସମ୍ପ୍ରୀତିକୁ ମଜବୁତ କରେ।
ଆୟୋଜକମାନଙ୍କ ଉଦ୍ୟମକୁ ସେମାନେ ସ୍ତୁତି କରି ଭବିଷ୍ୟତରେ ଏହା ଅଧିକ ବଡ଼ ପରିସରରେ ଆୟୋଜିତ ହେବ ବୋଲି ଆଶା ବ୍ୟକ୍ତ କରିଥିଲେ।
କମଳଲୋଚନ ମହାନ୍ତ ଙ୍କ ରିପୋର୍ଟ।
