वाशिम: नवनिर्वाचित नगरसेवक गल्ला भाऊ वानखेडे यांच्या पुढाकाराने जुना आरटीओ परिसर कचरामुक्त

वाशिम: शहराच्या स्वच्छतेचा आणि नागरिकांच्या आरोग्याचा प्रश्न अग्रक्रमाने सोडवण्याचा निर्धार वाशिमचे नवनिर्वाचित भाजप नगरसेवक श्री सतीश उर्फ गल्ला भाऊ वानखेडे यांनी कृतीतून दाखवून दिला आहे. जुना आरटीओ ऑफिस ते पॉली रोड या परिसरात अनेक दिवसांपासून साचलेल्या कचऱ्याचे ढीग आणि त्यातून पसरणाऱ्या दुर्गंधीमुळे स्थानिक नागरिक कमालीचे त्रस्त होते. या गंभीर समस्येची दखल घेत, गल्ला भाऊ वानखेडे यांनी आज विशेष स्वच्छता मोहीम राबवून हा संपूर्ण परिसर पूर्णपणे कचरामुक्त केला आहे.
नागरिकांच्या आरोग्याला प्राधान्य
या परिसरात साचलेल्या कचऱ्यामुळे आरोग्याचा प्रश्न निर्माण झाला होता. पावसामुळे पसरणाऱ्या दुर्गंधीने संसर्गजन्य आजार पसरण्याची भीती व्यक्त केली जात होती. मात्र, पदभार स्वीकारताच वानखेडे यांनी तातडीने यंत्रणा कामाला लावून स्वच्छतेचे हे महत्त्वाचे काम पूर्ण केले.
"शहराचा विकास आणि नागरिकांचे आरोग्य हीच आमची प्राथमिकता आहे. स्वच्छ वाशिम, सुंदर वाशिम घडवण्यासाठी आम्ही कटीबद्ध आहोत," असे मत यावेळी श्री सतीश उर्फ गल्ला भाऊ वानखेडे यांनी व्यक्त केले.
या धडक कारवाईमुळे परिसरातील नागरिकांनी समाधान व्यक्त केले असून, एका कार्यक्षम लोकप्रतिनिधीच्या कामाचे कौतुक होत आहे.