మర్రి నరేష్ ప్రధాన వార్తా : తొలిసారి ఆదివారం బడ్జెట్ ప్రవేశపెట్టడం, తెలంగాణ ముఖ్యమంత్రి పర్యటన, బంగారం వెండి ధరల్లో మార్పులు

తెలంగాణలో మున్సిపల్ ఎన్నికల నగారా మోగడంతో రాష్ట్ర రాజకీయం ఒక్కసారిగా వేడెక్కింది ముఖ్యమంత్రి రేవంత్ రెడ్డి విదేశీ పర్యటన ముగించుకుని నేడు రాష్ట్రానికి చేరుకుంటున్నారు మున్సిపల్ ఎన్నికలు ముఖ్యమంత్రి మంత్రుల పర్యటనలకు సంబంధించిన ఇక పూర్తిగా వెళ్తే
​
​రాష్ట్రంలోని 116 మున్సిపాలిటీలు, 7 మున్సిపల్ కార్పొరేషన్లకు సంబంధించి ఎన్నికల ప్రక్రియ కీలక దశకు చేరుకుంది.
​నామినేషన్ల పరిశీలన: నిన్నటితో (జనవరి 31) నామినేషన్ల పరిశీలన పూర్తయింది భారీ సంఖ్యలో అభ్యర్థులు బరిలో నిలిచారు పోటీ నుంచి తప్పుకోవాలనుకునే అభ్యర్థులకు ఫిబ్రవరి 3 వరకు సమయం ఉంది అదే రోజున తుది అభ్యర్థుల జాబితాను ప్రకటిస్తారు ​పోలింగ్ & ఫలితాలు ఫిబ్రవరి 11న పోలింగ్ జరగనుండగా ఫిబ్రవరి 13న ఫలితాలు వెలువడతాయి ఎన్నికల నేపథ్యంలో ప్రభుత్వం కీలక నిర్ణయం తీసుకుంది రెడ్డి గాండ్లతో సహా సుమారు 26 కులాలను బీసీ జాబితా నుంచి తొలగిస్తూ ఉత్తర్వులు జారీ చేసింది దీనివల్ల వారు ఈ ఎన్నికల్లో బీసీ రిజర్వేషన్ల కింద పోటీ చేసే అవకాశం కోల్పోయారు

​ముఖ్యమంత్రి రేవంత్ రెడ్డి తన అమెరికా పర్యటన (హార్వర్డ్ కెన్నడీ స్కూల్‌లో లీడర్‌షిప్ ప్రోగ్రామ్) ముగించుకుని నేడు రాత్రి లేదా తెల్లవారుజామున హైదరాబాద్ చేరుకోనున్నారు హైదరాబాద్ చేరుకున్న వెంటనే ఆయన మంత్రులు పార్టీ ముఖ్య నేతలతో మున్సిపల్ ఎన్నికల అభ్యర్థుల ఎంపిక ప్రచార సరళిపై సమీక్ష నిర్వహించనున్నారు ఫిబ్రవరి 3 నుంచి సీఎం అధికారికంగా ప్రచార బరిలోకి దిగుతారు తొలి బహిరంగ సభ నల్గొండ జిల్లాలోని మిర్యాలగూడలో నిర్వహించనున్నారు అనే వినికిడి, ​మున్సిపల్ ఎన్నికల్లో విజయం సాధించడమే లక్ష్యంగా మంత్రులకు జిల్లాల వారీగా బాధ్యతలు అప్పగించారు ​ఉప ముఖ్యమంత్రి భట్టి విక్రమార్క ఖమ్మం జిల్లాలో ఎన్నికల సన్నద్ధతను పర్యవేక్షిస్తున్నారు. 90% స్థానాల్లో గెలుపే లక్ష్యంగా కార్యకర్తలకు దిశానిర్దేశం చేస్తున్నారు ​మంత్రి పొంగులేటి శ్రీనివాస రెడ్డి ఈ ఎన్నికలను ప్రభుత్వ రెండేళ్ల పాలనకు రెఫరెండంగా అభివర్ణిస్తూ ప్రచారంలో పాల్గొంటున్నారు
​ఇన్-ఛార్జ్ మంత్రులు తమకు కేటాయించిన జిల్లాల్లో రెబల్ అభ్యర్థులను బుజ్జగించడం టికెట్ల కేటాయింపులో సామాజిక సమీకరణాలను సమతుల్యం చేయడంపై నేడు జిల్లా కేంద్రాల్లో సమావేశాలు నిర్వహిస్తున్నారు

మున్సిపల్ ఎన్నికల కోడ్ అమల్లో ఉన్నందున రాష్ట్రవ్యాప్తంగా అధికారుల తనిఖీలు ముమ్మరంగా సాగుతున్నాయి నగదు మద్యం పంపిణీపై ఈసీ గట్టి నిఘా ఉంచాబోతుందని నిఘా వర్గాలు చెపుతున్నాయి

​ఫోన్ ట్యాపింగ్ కేసులో మాజీ ముఖ్యమంత్రి కేసీఆర్‌కు సిట్ నోటీసులు ఇవ్వడాన్ని నిరసిస్తూ నేడు రాష్ట్రవ్యాప్తంగా ధర్నాలు చేపట్టాలని బీఆర్ఎస్ శ్రేణులకు పార్టీ నాయకత్వం పిలుపునిచ్చింది

​మేడారం జాతర ఏర్పాట్లు: ఆసియాలోనే అతిపెద్ద గిరిజన జాతర మేడారంకు సంబంధించి భద్రత వసతి ఏర్పాట్లను ఉన్నతాధికారులు పర్యవేక్షిస్తున్నారు భక్తుల రద్దీని దృష్టిలో ఉంచుకుని ఏఐ ఆధారిత పోలీసింగ్‌ను ఉపయోగిస్తున్నారు

​జాతీయ వార్తలు: బడ్జెట్ ధూమ్

​కేంద్ర బడ్జెట్ 2026 నేడు ఉదయం 11 గంటలకు కేంద్ర ఆర్థిక మంత్రి నిర్మలా సీతారామన్ పార్లమెంటులో 2026-27 ఆర్థిక సంవత్సరానికి గానూ బడ్జెట్‌ను ప్రవేశపెట్టనున్నారు ​చరిత్రలో తొలిసారిగా ఒక ఆదివారం నాడు బడ్జెట్ ప్రవేశపెడుతుండటం విశేషం
​వేతన జీవులకు ఆదాయపు పన్ను మినహాయింపులు స్టాండర్డ్ డిడక్షన్ పెంపుపై భారీ అంచనాలు ఉన్నాయి
​నేటి నుంచి మారిన నియమాలు ​గ్యాస్ ధరలు: ఆయిల్ కంపెనీలు ఎల్‌పీజీ (LPG) సిలిండర్ ధరలను సవరించాయి
​GST పెంపు: పొగాకు, పాన్ మసాలా ఉత్పత్తులపై జీఎస్‌టీ పెరగడంతో నేటి నుంచి వాటి ధరలు ప్రియం కానున్నాయి
​FASTag: ఫాస్టాగ్ కేవైసీ (KYC) నిబంధనల్లో మార్పులు అమల్లోకి వచ్చాయి

అంతర్జాతీయ వార్తలు

​అగ్రరాజ్యంలో మంచు తుపాను అమెరికాలోని పలు రాష్ట్రాలను భారీ మంచు తుపాను వణికిస్తోంది జనజీవనం స్తంభించిపోవడంతో విమాన సర్వీసులు భారీగా రద్దు అయ్యాయి

ప్రపంచంలోనే తొలిసారిగా దుబాయ్‌లోని గోల్డ్ డిస్ట్రిక్ట్‌లో ప్రత్యేకంగా గోల్డ్ స్ట్రీట్ను నిర్మిస్తున్నట్లు ప్రకటించారు

భారత్‌లో బడ్జెట్ సందర్భంగా స్టాక్ మార్కెట్లు (NSE & BSE) ప్రత్యేకం‌గా ట్రేడింగ్ కోసం తెరిచి ఉండనున్నాయి

​వాణిజ్యం & క్రీడలు
​బంగారం ధర

అంతర్జాతీయంగా ధరల్లో మార్పుల వల్ల గత రెండు రోజులుగా బంగారం వెండి ధరల్లో స్వల్ప తగ్గుదల కనిపిస్తోంది

​భారత్, శ్రీలంక సంయుక్తంగా ఆతిథ్యం ఇస్తున్న టీ20 ప్రపంచకప్ క్వాలిఫైయర్స్ సమీకరణాలపై క్రీడా లోకంలో చర్చ నడుస్తోంది