সাংবাদিকতাৰ ক্ষেত্ৰত দীৰ্ঘদিনীয়া অবদান আগবঢ়ায় হেমন্ত গগৈ

সাংবাদিকতাৰ ক্ষেত্ৰত দীৰ্ঘদিনীয়া অবদান আগবঢ়ায় হেমন্ত গগৈ

লিডু চিপে গাওঁৰ বাসিন্দা হেমন্ত গগৈ অসমৰ সাংবাদিকতাৰ ক্ষেত্ৰত এক চিনাকি নাম। পিতৃ পলম বৰুণ গগৈৰ সন্তান গগৈ জন্মলাভ কৰে তিনচুকীয়া জিলাৰ লিডু অঞ্চলতেই ডাঙৰ-দীঘল হৈ সমাজ, ৰাজনীতি আৰু জনজীৱনৰ সৈতে ঘনিষ্ঠভাৱে জড়িত হৈ সাংবাদিকতা পেচা হিচাপে বাছি লয়।
হেমন্ত গগৈয়ে ১৯৯৬ চনতেই ছপা মাধ্যমত সাংবাদিকতা আৰম্ভ কৰে। সেই সময়ছোৱাত তেওঁ “গণ আদালত” নামৰ বাতৰি কাকতৰ সৈতে জড়িত হৈ সমাজৰ বিভিন্ন সমস্যা, দুৰ্নীতি, শোষণ-বঞ্চনাৰ বিৰুদ্ধে সাহসিকতাৰে কলম ধৰিছিল। পাছলৈ ২০১৪ চনৰ পৰা আজিলৈকে তেওঁ “নিয়ামিয়া বাৰ্তা” কাকতৰ সৈতে সংযুক্ত হৈ অঞ্চলভিত্তিক তথা ৰাজ্যিক গুৰুত্বৰ বহু গুৰুত্বপূৰ্ণ বাতৰি প্ৰকাশ কৰি আহিছে।
ইয়াৰ উপৰিও গগৈ ইলেক্ট্ৰনিক মিডিয়াৰ ক্ষেত্ৰতো এক সক্ৰিয় আৰু দক্ষ সাংবাদিক। ২০০৮ চনৰ পৰা তেওঁ V&S ইলেক্ট্ৰনিক মিডিয়াৰ সৈতে জড়িত হৈ কাম কৰাৰ লগতে ২০১১ চনৰ পৰা আজিলৈকে News Live চেনেলৰ জৰিয়তে সংবাদ পৰিৱেশন, (ফিল্ড ৰিপ’ৰ্টিং) আৰু জনসাধাৰণৰ সমস্যা তুলি ধৰা কামত নিজকে নিয়োজিত কৰি আহিছে।
শিক্ষাগত অৰ্হতাৰ ক্ষেত্ৰতো হেমন্ত গগৈ এগৰাকী সু-শিক্ষিত ব্যক্তি। তেওঁ ৰাজনীতি বিজ্ঞানত এম.এ. (MA in Political Science) ডিগ্ৰী লাভ কৰিছে, যিয়ে সাংবাদিকতা পেচাত তেওঁৰ বিশ্লেষণমূলক দৃষ্টিভংগী আৰু গভীৰ বোধশক্তিক অধিক শক্তিশালী কৰি তুলিছে।
তেওঁৰ নিষ্ঠা, সততা আৰু দায়িত্বশীল সাংবাদিকতাৰ স্বীকৃতি স্বৰূপে গুৱাহাটীৰ কলাক্ষেত্ৰত অনুষ্ঠিত এক অনুষ্ঠানত অল ইণ্ডিয়া জাৰ্নেলিষ্ট ফ’ৰামৰ দ্বাৰা হেমন্ত গগৈক শ্ৰেষ্ঠ ৰিপ’ৰ্টাৰ বঁটা প্ৰদান কৰা হয়। এই সন্মান তেওঁৰ দীঘলীয়া সাংবাদিক জীৱনৰ এক গুৰুত্বপূৰ্ণ মাইলষ্টোন হিচাপে গণ্য কৰা হয়।
বৰ্তমানো হেমন্ত গগৈয়ে সাংবাদিকতাৰ পৱিত্ৰ দায়িত্ব পালন কৰি সমাজৰ সত্য, ন্যায় আৰু জনস্বাৰ্থৰ পক্ষে অবিৰতভাৱে কলম আৰু কেমেৰাৰ জৰিয়তে মাত মাতি আহিছে। তেওঁৰ এই অবদান নতুন প্ৰজন্মৰ সাংবাদিকসকলৰ বাবে এক প্ৰেৰণা স্বৰূপ।