ଜନ୍ମଦିନରେ ବୃଦ୍ଧମାନଙ୍କୁ କମ୍ବଳ ଦେଇ ଯୁବକ ଦେଲେ ମାନବିକତାର ଉଦାହରଣ

ଜନ୍ମଦିନରେ ବୃଦ୍ଧମାନଙ୍କୁ କମ୍ବଳ ଦେଇ ଯୁବକ ଦେଲେ ମାନବିକତାର ଉଦାହରଣ
ଜୟପାଟନା ବ୍ଲକ୍ (କଳାହାଣ୍ଡି):
ଆଜିର ସମୟରେ ଯେଉଁଠାରେ ଅଧିକାଂଶ ଲୋକ ଜନ୍ମଦିନକୁ କେକ୍ କାଟି ଓ ପାର୍ଟି କରି ପାଳନ କରୁଛନ୍ତି, ସେଠାରେ କଳାହାଣ୍ଡି ଜିଲ୍ଲା ଜୟପାଟନା ବ୍ଲକ୍ ଅନ୍ତର୍ଗତ
ଅଁଲାଭଟା ଗାଁର ଜଣେ ଯୁବକ ନିଜ ଜନ୍ମଦିନକୁ ସମାଜସେବା ସହିତ ଯୋଡ଼ି ଏକ ପ୍ରେରଣାଦାୟକ ଉଦାହରଣ ପ୍ରସ୍ତୁତ କରିଛନ୍ତି।
ଯୁବକ ବାବୁଲା ନିଆଲ ନିଜ ଜନ୍ମଦିନ ଅବସରରେ ଥଣ୍ଡାରେ ପୀଡ଼ିତ ଗରିବ ଓ ବୃଦ୍ଧମାନଙ୍କୁ କମ୍ବଳ ବଣ୍ଟନ କରିଥିଲେ। ଏହି ସହଯୋଗ ପାଇଁ ବୃଦ୍ଧମାନଙ୍କ ମୁହଁରେ ଖୁସି ଓ ସନ୍ତୋଷ ଦେଖାଯାଇଥିଲା।
ଏହି ଅବସରରେ ବାବୁଲା ନିଆଲ କହିଥିଲେ ଯେ, ଜନ୍ମଦିନ କେବଳ ନିଜ ଖୁସି ପାଇଁ ନୁହେଁ, ବରଂ ଆବଶ୍ୟକମନ୍ଦିତଙ୍କ ସେବା କରି ଏହାକୁ ସାର୍ଥକ କରିବା ଦରକାର। ବୃଦ୍ଧମାନେ ସମାଜର ଅମୂଲ୍ୟ ଧନ ଓ ତାଙ୍କ ସେବା କରିବା ଆମ ସମସ୍ତଙ୍କ ଦାୟିତ୍ୱ ବୋଲି ସେ କହିଥିଲେ।
ସ୍ଥାନୀୟ ଲୋକମାନେ ଏହି ମାନବିକ କାର୍ଯ୍ୟକୁ ଉଚ୍ଚ ପ୍ରଶଂସା କରି ଏପରି କାମ ଅନ୍ୟ ଯୁବମାନଙ୍କ ପାଇଁ ପ୍ରେରଣା ବୋଲି ମତ ପ୍ରକାଶ କରିଛନ୍ତି।