రోలుగుంటలో జాతీయ ఓటర్ల దినోత్సవం: ర్యాలీ, ప్రతిజ్ఞతో ప్రజల్లో చైతన్యం

అనకాపల్లి జిల్లా రోలుగుంట, తహసీల్దార్ కార్యాలయం, జాతీయ ఓటర్ల దినోత్సవం వైభవంగా జరిగింది. తాసిల్దార్ నాగమ్మ, డిప్యూటీ తాసిల్దార్ శివ ఆధ్వర్యంలో నిర్వహించిన ఈ కార్యక్రమం ప్రజల్లో ఓటర్ అవగాహనను మరింత పెంచింది.గ్రామ ప్రజల్లో ఓటర్ల దినోత్సవం గురించి చైతన్యం పొందించేందుకు ప్రత్యేక ర్యాలీ నిర్వహించారు. వివిధ గ్రామాల నుంచి వచ్చిన ప్రజలు, యువత, మహిళలు భాగస్వాములుగా పాల్గొన్నారు. ర్యాలీలో 'ఓటు మన హక్కు- ఓటు మన బాధ్యత' వంటి నినాదాలు గొలుసుతూ ప్రజలకు అవగాహన కల్పించారు. ఈ సందర్భంగా ప్రత్యేక ప్రతిజ్ఞ చేసుకున్నారు. తాసిల్దార్ నాగమ్మ, మాట్లాడుతూ "జాతీయ ఓటర్ల దినోత్సవం అనేది కేవలం ఒక రోజు కార్యక్రమం కాదు, ఇది ప్రతి పౌరుడి జీవితంలో ఓటు బాధ్యతను గుర్తు చేసే పవిత్ర దినం. మన రోలుగుంట మండల ప్రజలు ఈ సందర్భాన్ని అవకాశంగా మలిచి, 100 శాతం ఓటర్ ఎన్‌రోల్‌మెంట్, పోలింగ్‌లో పాల్గొనడం ద్వారా ఓటు చైతన్యం తీసుకురావాలి. ఓటు హక్కు లేని పౌరుడు లేకుండా చూడాలి. యువత, మహిళలు ముందంజలో నిలబడి ఈ అవగాహనను విస్తరింపజేయాలి" అని పిలుపునిచ్చారు. వారి సున్నితమైన, ప్రేరణాత్మక మాటలు అందరినీ ఆకట్టుకున్నాయి.డిప్యూటీ తాసిల్దార్ శివ మాట్లాడుతూ, ఓటర్ లిస్టులో పేరు ఆధారాలు సరిచేసుకోవాలని, కొత్త ఓటర్లు రిజిస్టర్ చేసుకోవాలని సూచించారు. మండల అధికారులు, గ్రామ స్థాయి నాయకులు కార్యక్రమంలో పాల్గొన్నారు. ఈ కార్యక్రమం మండలంలో ఓటర్ చైతన్యాన్ని మరింత బలోపేతం చేస్తుందని స్థానికులు తెలిపారు.