श्रीरामपूर-संगमनेरच्या महिला सावकाराच्या जाचास कंटाळून राहुरीतील इसमाची आत्महत्या...

श्रीरामपूर-संगमनेरच्या महिला सावकाराच्या जाचास कंटाळून राहुरीतील इसमाची आत्महत्या...


श्रीरामपूर (शिवप्रहार न्यूज/प्रतिनिधी)- याबाबत अधिक माहिती अशी की,गणेश शंकर होले, रा. सात्रळ यांनी दिलेल्या फिर्यादीत म्हटले की, गणेश होले यांचे वडील शंकर बाबुराव होले (वय ५२) यांनी त्यांचे वैयक्तिक कामाकरीता सविता हिच्याकडून काही दिवसांपूर्वी व्याजाने पैसे घेतले होते. त्यानंतर शंकर होले यांनी महिलेला व्याजासह पूर्ण पैसे दिले. तसेच गणेश होले व त्यांचे वडील शंकर होले यांनी गणेश थोरात यांच्या पत्नीकडून हात उसने पैसे घेतले होते. पैसे घेताना गणेश आप्पासाहेब थोरात यांना दि. १३ ऑगस्ट २०२५ रोजी दोन चेक देऊन उसनवार पावतीची नोटरी करून दिली होती. आरोपी सावकार महिलांकडून घेतलेले उसने पैसे होले यांनी मुदतीत परत केले. होले यांनी दिलेले चेक परत मागितले. तेव्हा सावकार महिला शंकर होले यांना म्हणाल्या की, आम्ही तुमचे कोरे चेक परत देणार नाहीत. तुम्ही आमचे पैसे व्याजासह परत करा.
शंकर होले व सावकार महिलांचा कोणताही पैसे देणे घेणेचा व्यवहार राहिलेला नसताना दोन्ही सावकार महिला ३१ डिसेंबर २०२५ रोजी होले यांच्या घरी गेल्या व म्हणाल्या की, तुमच्याकडे आमचे पैसे घेणे बाकी आहे. ते आम्हाला आजच्या आज परत पाहिजे आहे. असे म्हणून शिवीगाळ करून दमदाटी करून निघून गेल्या. त्यानंतर सावकार महिलांनी दि. ३ जानेवारी रोजी शंकर होले यांना फोन करून पैशाची मागणी केली. शंकर होले हे पैशाचे तगाद्यामुळे तणावात येवून त्यांनी ४ जानेवारी रोजी सकाळी विषारी औषध प्राशन केले. त्यावेळी त्यांना लोणी येथील रुग्णालयात उपचारासाठी दाखल करण्यात आले. त्यावेळी ह्या सावकार महिलांनी रुग्णालयात जाऊन आमचे नाव कोठेही घेऊ नका. आमचेकडे भरपूर मुले असुन तुमचे जगणे मुश्कील करून टाकू, अशाप्रकारे दमदाटी करून निघून गेल्या. ७ जानेवारी २०२६ रोजी सायंकाळी ५ वाजेच्या सुमारास शंकर बाबुराव होले यांच्यावर रुग्णालयात उपचार सुरू असताना ते मयत झाले.
घटनेनंतर मयत शंकर होले यांचा मुलगा गणेश शंकर होले यांनी राहुरी पोलीस ठाण्यात फिर्याद दाखल केली. फिर्यादीवरून सविता ज्ञानेश्वर पोटे, रा. पाटाजवळ, श्रीरामपूर व गणेश आप्पासाहेब थोरात यांची पत्नी, रा. घुलेवाडी, संगमनेर या दोन महिलांवर गु.र.नं. ५७/२०२६ भारतीय न्याय संहिता कलम १०८, ३५२, ३५१ (२) प्रमाणे गुन्हा दाखल करण्यात आला आहे. पुढील तपास पोलीस निरीक्षक ठेंगे यांच्या मार्गदर्शनाखाली सुरु आहे.

Devashish Govind Tokekar
VANDE Bharat live tv news Nagpur
Editor/Reporter/Journalist
RNI:- MPBIL/25/A1465
Indian Council of press,Nagpur
Journalist Cell
All India Media Association
Nagpur District President
Delhi Crime Press
RNI NO : DELHIN/2005/15378
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015