నితిన్ నవీన్‌కు ఓబీసీ అసోసియేషన్ అభినందనలు

మహాత్మా జ్యోతిబా రావు ఫూలే ఆల్ ఇండియా ఓబీసీ అసోసియేషన్, నితిన్ నవీన్‌ను బీజేపీ అధ్యక్షుడిగా నియమితులైనందుకు హృదయపూర్వక అభినందాలు తెలిపింది. ఓ బి సి అసోసియేషన్ అధ్యక్షుడు పోతుల ప్రసాద్ నాయుడు మాట్లాడుతూ, నితిన్ నవీన్ ఈ ప్రతిష్టాత్మక పదవికి ఎదగడం అతని అచంచల నిబద్ధత, దార్శనిక నాయకత్వం, ప్రజాస్వామ్య విలువలు, జాతీయ అభివృద్ధి అంకితభావానికి నిదర్శనమని చెప్పారు. "అతని నాయకత్వ ప్రయాణం క్రమశిక్షణ, సమగ్రత, సమ్మిళిత పాలనా విధానాలను ప్రతిబింబిస్తుంది" అని ప్రసాద్ నాయుడు పేర్కొన్నారు.సామాజిక, ఆర్థిక సవాళ్లను ఎదుర్కొనే కీలక సమయంలో నితిన్ నవీన్ నాయకత్వం దేశానికి బలమైన, ప్రజల-ఆధారిత దిశానిర్దేశం ఇస్తుందని విశ్వాసం వ్యక్తం చేశారు. అసోసియేషన్, జ్యోతిబా ఫూలే ఆదర్శాల నుంచి ప్రేరణ పొంది సామాజిక న్యాయం, సమానత్వం, ఓబీసీల సాధికారతకు నిబద్ధమని పునరుద్ఘాటించింది.నితిన్ నవీన్ నాయకత్వంలో బీజేపీ సమ్మిళిత అభివృద్ధికి కృషి చేస్తూ, ఓబీసీ గళాలు, ఆకాంక్షలకు సరైన ప్రాతినిధ్యం వస్తుందని ప్రసాద్ నాయుడు ఆశాభావం ప్రకటించారు. రిజర్వేషన్ అమలు, విద్యా స్కాలర్‌షిప్‌లు, నైపుణ్యాభివృద్ధి, ఉపాధి అవకాశాలు, సామాజిక భద్రత, ఆరోగ్య పథకాల బలోపేతం వంటి ఓబీసీ సంక్షేమ విధానాలపై దృష్టి సారించాలని అసోసియేషన్ తెలిపింది.