ମୋ ଅନାବନା ଗୀତ (୪)- ନୀଳମଣି ଚାନ୍ଦ ଙ୍କ ଦ୍ଵାରା ରଚିତ କବିତା।

ମୋ ଅନାବନା ଗୀତ (୪)

କୁଳୁ କୁଳୁ ଗୀତ ଗାଇ
ଝରଣାଟି ଧାଉଁଛି
ଆସିଗଲା ନଈଟା କି
ସିଏ କେତେ ଚାହୁଁଛି ।

ପାଇଗଲେ ନଈଟିଏ
ସିଏ ମିଶି ଯାଏରେ
ତା ଚାଲିବା ଗୀତ ବୋଲା
ବନ୍ଦ୍ ହୋଇଥାଏରେ ।

ଧାରେ ଧାରେ ବହି ବହି
ନଈ ଯାଏ ତଳକୁ
ସାଙ୍ଗରେ ବି ନେଇଥାଏ
ଝରଣାର ଜଳକୁ ।

ଆମେ ଜାଣୁ ସେହି ନଈ
ସମୁଦ୍ରରେ ମିଶିବ
ହଜିଯିବ ନାଆଁ ତା'ର
ଆଉ ସେ ନ ଦିଶିବ ।

ଲକ୍ଷ୍ୟ ଥିଲା ସେ ଛୁଇଁଲା
ନଈ ଦେଖି ଜାଣିଲେ
ଲକ୍ଷ୍ୟ ହାସଲ ହୁଅଇ
ଏ ଭାବନା ଆଣିଲେ ।


ନୀଳମଣି ଚାନ୍ଦ
ପୁରୁଣିଆଁ, ଆନନ୍ଦପୁର
କେନ୍ଦୁଝର, ମୋ:୯୫୮୩୨୦୨୩୫୭