उत्तमचंद बगडिया महाविद्यालयाच्या एन.एस.एस. (NSS) शिबिराचे मांगवाडी येथे उद्घाटन...

(वाशिम प्रतिनिधी :ओंकार पुरी ) रिसोड | १६ जानेवारी २०२६ स्थानिक उत्तमचंद बगडिया कला, वाणिज्य व विज्ञान महाविद्यालय, रिसोड यांच्या वतीने राष्ट्रीय सेवा योजनेचे (NSS) सात दिवसीय विशेष निवासी श्रमसंस्कार शिबीर उद्यापासून मांगवाडी (ता. रिसोड) येथे सुरू होत आहे. या शिबिराचा भव्य उद्घाटन सोहळा उद्या शनिवार, १७ जानेवारी २०२६ रोजी दुपारी २:०० वाजता संपन्न होईल. पाणलोट व पडीक जमीन विकासाचा ध्यास यंदाच्या शिबिराचे मुख्य सूत्र "शाश्वत विकासासाठी युवा: पाणलोट व्यवस्थापन व पडीक जमीन विकास" हे आहे. या सात दिवसांच्या कालावधीत महाविद्यालयाचे स्वयंसेवक गावात जलसंधारणाची कामे, ग्रामस्वच्छता आणि सामाजिक प्रबोधन करणार आहेत. मान्यवरांची उपस्थिती उद्याच्या उद्घाटन सोहळ्यासाठी प्रमुख पाहुणे म्हणून श्री. रामेश्वर चव्हाण (पोलीस निरीक्षक, पोलीस स्टेशन रिसोड) उपस्थित राहणार आहेत. कार्यक्रमाचे अध्यक्षपद महाविद्यालयाचे प्राचार्य डॉ. विनोद कुलकर्णी भूषवतील. तसेच, विशेष अतिथी म्हणून प्राचार्य डॉ.एम.एन. गायकवाड आणि संचालक श्री. बद्रीनारायणजी तोष्णीवाल यांची उपस्थिती लाभणार आहे. ग्रामस्थांचे सहकार्य या शिबिरासाठी मांगवाडीचे सरपंच श्री. विनोद रामराव वाळके, उपसरपंच श्री. एकनाथ चिभडे आणि पोलीस पाटील श्री. सुरेश नागरे यांच्यासह सर्व ग्रामपंचायत सदस्यांनी पुढाकार घेतला आहे. शिबिराचे नियोजन हे शिबीर १७ ते २३ जानेवारी २०२६ या काळात चालणार असून, दररोज सकाळी श्रमदान आणि दुपारी विविध तज्ज्ञांची व्याख्याने आयोजित केली आहेत. शिबिराच्या यशस्वीतेसाठी कार्यक्रम अधिकारी प्रा.डॉ.ए.जी. वानखडे, महिला कार्यक्रम अधिकारी प्रा.डॉ.एम.पी. खेडेकर, शिबीर प्रभारी प्रा.डॉ.किरण बुधवंत, प्रा. डॉ. जयंत मेश्रामप्रा. एस. व्ही. टिकार,तसेच प्रा. एस. बी. पांढरे, प्रा. संदिप जुनघरे, प्रा. विनोद राऊत, प्रा.पुजा पाठक, प्रा.राम जुनघरे, प्रा.निलेश बाजड, प्रा.अमरदीप साबळे, प्रा.श्वेता बोडे, प्रा. विठ्ठल वाघ, प्रा.डॉ. मनोज नरवाडे, डॉ. कोमल काळे, श्री.ओंकार पुरी, श्री.संतोष घुगे, श्री.गोपाल कोल्हे, श्री.सुनील चऱ्हाटे व सुरज नरवाडे हे परिश्रम घेत आहेत.