సీనియర్ క్రికెట్ లీగ్ లో అద్భుత ప్రతిభ కనపరిచిన రామకృష్ణ టీం.

అనకాపల్లి జిల్లా రోలుగుంట మండలం రోలుగుంట గ్రామంలోని జిల్లా పరిషత్ ఉన్నత పాఠశాలలో మకర సంక్రాంతి పండుగ సంబరాల్లో భాగంగా 15, 16 తేదీల్లో నిర్వహించిన సీనియర్ క్రికెట్ పోటీలు గ్రామవాసుల్లో ఉత్సాహాన్ని రేకెత్తించాయి. నేతాజీ, వివేకానంద, వినాయక,రామకృష్ణ పరమహంస జట్ల మధ్య హోరాహోరీగా సాగిన మ్యాచ్‌లో రామకృష్ణ పరమహంస జట్టు మొదటి స్థానాన్ని కైవసం చేసుకుంది.ఈ పోటీల్లో పాల్గొన్న యువకులు అద్భుతమైన ప్రదర్శన చేసి, ప్రేక్షకులను మంత్రముగ్ధులను చేశారు. గెలుపు సందర్భంగా 15 వేల రూపాయల నగదు బహుమతిగా అందిన డబ్బును టీం సభ్యులు కొండపై ఉన్న శ్రీ శ్రీ జగ్గారాయుడు స్వామి గుడి అభివృద్ధికి కేటాయించారు. ఈ సేవాభావం గ్రామ ప్రజల్లో ప్రశంసలు అందుకుంది.టీం సభ్యులు మాట్లాడుతూ, "మా గెలుపు గ్రామ దేవాలయ అభివృద్ధికి దోహదపడాలని నిర్ణయించాం. సంక్రాంతి సంబరాలు మనల్ని ఐక్యత, సేవా భావంతో ముందుకు నడిపిస్తాయి" అని తెలిపారు. ఈ ఉత్సవాల్లో గ్రామ పంచాయతీ అధ్యక్షుడు, స్థానిక నాయకులు, ఉపాధ్యాయులు, విద్యార్థులు పాల్గొని పోటీలు సజీవంగా జరిగాయి.ఈ సంఘటన గ్రామీణ యువతలో క్రీడలు, సేవా భావం కల్పించేందుకు మార్గదర్శకంగా మారింది. మరిన్ని వివరాలు త్వరలో..