'वंचित'चे निष्ठावान आता शिंदेंचे शिलेदार; प्रफुल्ल गुजर यांच्या प्रवेशाने पुण्याचे समीकरण बदलणार! 'वंचित'चे निष्ठावान आता शिंदेंचे शिलेदार;

पुणे:
पुणे शहरातील राजकारणात आज मोठी खळबळ उडाली आहे. वंचित बहुजन आघाडीचे निष्ठावान मानले जाणारे आणि २०२४ च्या विधानसभा निवडणुकीत उमेदवारीसाठी चर्चेत राहिलेले प्रफुल्ल गुजर यांनी आज आपल्या शेकडो समर्थकांसह शिवसेना (एकनाथ शिंदे गट) मध्ये जाहीर प्रवेश केला. मुख्यमंत्री एकनाथ शिंदे यांनी त्यांचे भगवा ध्वज देऊन पक्षात स्वागत केले.
मुख्यमंत्री शिंदेंची पुण्यात ताकद वाढली
आगामी २०२६ च्या स्थानिक स्वराज्य संस्था आणि पुणे महानगरपालिका निवडणुकांच्या पार्श्वभूमीवर हा प्रवेश अत्यंत महत्त्वाचा मानला जात आहे. यांनी आजपर्यंत संभाजी ब्रिगेड पुणे शहर कार्याध्यक्ष व वंचित बहुजन आघाडी कार्यकारी अध्यक्ष पुणे शहर, तसेच मराठा क्रांती मोर्चा पुणे यामध्ये आघाडीने काम केले आहे. प्रफुल्ल गुजर हे मराठा चवळीतील सक्रिय नेते आहेत. कसबा पेठ विधानसभा मतदारसंघात प्रफुल्ल गुजर यांचा मोठा जनसंपर्क आहे. त्यांच्या पक्षप्रवेशामुळे कसब्यात शिंदे गटाची ताकद वाढली असून.

प्रवेशाचे मुख्य कारण:
पक्षप्रवेशानंतर माध्यमांशी बोलताना प्रफुल्ल गुजर म्हणाले, "मुख्यमंत्री एकनाथ शिंदे हे सर्वसामान्यांचे मुख्यमंत्री आहेत. त्यांच्या कामाचा धडाका आणि विकासाची दृष्टी पाहून मी प्रेरीत झालो आहे. पुण्याच्या विकासासाठी आणि कार्यकर्त्यांच्या न्याय्य हक्कांसाठी मी हा निर्णय घेतला आहे."

राजकीय वर्तुळात चर्चा:
२०२४ च्या विधानसभा निवडणुकीत वंचित बहुजन आघाडी चे कसब्यातून उमेदवार होते.आजच्या या प्रवेशामुळे पुण्यातील राजकीय समीकरणे पूर्णपणे बदलण्याची शक्यता वर्तवली जात आहे.
यावेळी शिवसेनेचे शहर प्रमुख आ. रवींद्र धंगेकर, शहराध्यक्ष नाना भानगिरे, संपर्क प्रमुख अजय भोसले याबरोबर अनेक नेते, स्थानिक पदाधिकारी आणि गुजर यांचे समर्थक मोठ्या संख्येने उपस्थित होते. "आता कसब्याचा विकास अधिक वेगाने होईल," असा विश्वास यावेळी कार्यकर्त्यांनी व्यक्त केला.