अंत्यसंस्कारासाठी जळाऊ लाकूड मोफत देण्याचा घेतला ठराव खुटसावरी ग्रामपंचायतचा पुढाकार, ग्रामस्थांनी केले निर्णयाचे स्वागत

प्रेस नोट
खुटसावरी ग्रामपंचायत, भंडारा

अंत्यसंस्कारासाठी जळाऊ लाकूड मोफत देण्याचा घेतला ठराव
खुटसावरी ग्रामपंचायतचा पुढाकार, ग्रामस्थांनी केले निर्णयाचे स्वागत
विलास केजरकर भंडारा

भंडारा : तालुक्यातील खुटसावरी ग्राम पंचायतीच्या मासिक सभेत अंत्यसंस्कारासाठी गडेगाव लाकूड आगारातून जळाऊ लाकूड मोफत उपलब्ध करावे यासाठी वन विभागाला मागणी करण्याचा महत्त्वाचा ठराव एकमताने पारित करण्यात आला. ग्राम पंचायत पदाधिकाऱ्यांच्या दीर्घ चर्चेनंतर घेतलेल्या या निर्णयामुळे स्थानिक पातळीवर सामाजिक संवेदनशीलतेचा अनुभव आला.
सभेत सहभागी पदाधिकाऱ्यांनी वाढत्या वन्यप्राणी धोक्याच्या पार्श्वभूमीवरही चर्चा केली. यानुसार ठरावात वन विभागाकडून मयत कुटुंबांना २०० ते ३०० किलो जळाऊ लाकूड मोफत किंवा नाममात्र दरात देण्याची मागणी करण्यात आली आहे. तसेच, वन्यप्राण्यांमुळे होणाऱ्या धोक्यापासून संरक्षणासाठी सुरक्षित पर्यायी व्यवस्था करण्याबाबतही वन विभागाला सूचना देण्यात आल्या आहेत. अशाप्रकारे गावाच्या विकासासाठी अग्रेसर असणारी जिल्ह्यातील पहिली ग्राम पंचायत आहे हे विशेष.

*ठरावाची प्रत विविध कार्यालयांना*

"जिल्हा प्रशासन, वन अधिकारी आणि स्थानिक आमदार यांना या ठरावाची प्रत पाठवावी. सरपंचाने तत्काळ वन विभाग आणि तहसीलदार यांच्याकडे हा ठराव सादर करावा अशी जबाबदारीही सोपविण्यात आल्याचे ठरावात स्पष्टपणे नमूद केले आहे. याशिवाय, ठरावाची प्रत ग्रामस्थांच्या व्हॉट्सॲप ग्रुपवर शेअर करून सर्वांना माहिती देण्याचे निर्देश दिले आहेत".

"सदस्यांकडून अंत्यसंस्कारासाठी जळाऊ लाकूड मोफत देण्याची मागणी करण्यात आली. ही मागणी अत्यंत आवश्यक असल्याने मासिक सभेत सर्वानुमते ठराव पारित करण्यात आला. या मागणीचे निवेदन जिल्हा प्रशासन, वन अधिकारी, आमदारांना लवकरच देण्यात येईल".

*ज्योती नंदेश्वर, सरपंच खुटसावरी*

*ग्रामस्थांनी केले निर्णयाचे स्वागत*

ग्रामस्थांनी या निर्णयाचे स्वागत करताना, स्थानिक गरजू कुटुंबांना मिळणाऱ्या दिलाशाबाबत समाधान व्यक्त केले. खुटसावरीसारख्या ग्रामीण भागात अशा निर्णयांमुळे प्रशासन आणि ग्रामस्थांमधील समन्वय वाढेल असा विश्वास व्यक्त करण्यात आला. पाठपुराव्यासाठी सरपंचांकडून लवकरच कार्यवाही अपेक्षित आहे. वनविभागाकडून ग्रामस्थांच्या अपेक्षा आहे.

"वाढत्या वन्यप्राणी धोक्याच्या पार्श्वभूमीवरही ग्रामस्थांशी चर्चा केली. वन विभागाकडून मयत कुटुंबांना २०० ते ३०० किलो जळाऊ लाकूड मोफत किंवा नाममात्र दरात देण्याची मागणी करण्यात आली आहे. त्यानुसार मासिक सभेत ठराव घेण्यात आला".

प्रियंका सार्वे, सदस्य ग्रामपंचायत खुटसावरी

Devashish Govind Tokekar
VANDE Bharat live tv news Nagpur
Editor/Reporter/Journalist
RNI:- MPBIL/25/A1465
Indian Council of press,Nagpur
Journalist Cell
All India Media Association
Nagpur District President
Delhi Crime Press
RNI NO : DELHIN/2005/15378
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015