कत्तलखान्यावर छापा 04 आरोपींकडुन 11,45,700/- ₹ चा मुद्देमाल हस्तगत;16 गोवंशीय जनावरांची सुटका....

प्रेस नोट
संगमनेर, अहिल्यानगर

कत्तलखान्यावर छापा 04 आरोपींकडुन 11,45,700/- ₹ चा मुद्देमाल हस्तगत;16 गोवंशीय जनावरांची सुटका....

संगमनेर (शिवप्रहार न्यूज) याबाबत अधिक माहिती अशी की,श्री.सोमनाथ घार्गे, पोलीस अधीक्षक अहिल्यानगर यांनी स्थानिक गुन्हे शाखेस अहिल्यानगर जिल्ह्यामध्ये गोवंशीय जनावरांची कत्तल करणारे ठिकाणांची व गोवंशीय जनावरांची कत्तल करुन गोमांस विक्री करणारे इसमांची माहिती काढुन कारवाई करणेबाबत आदेश दिलेले आहेत.
सदर आदेशानुसार स्थानिक गुन्हे शाखेचे पोलीस निरीक्षक श्री किरणकुमार कबाडी यांचे मार्गदर्शनाखालील स्थानिक गुन्हे शाखेतील पोउपनि/महादेव गुट्टे, पोलीस अंमलदार गणेश लोंढे, संतोष खैरे, अमृत आढाव, आमेल आजबे, अरुण मोरे यांचे पथक तयार करुन सदर पथकास अहिल्यानगर जिल्ह्यामध्ये गोवंशीय जनावरांची कत्तल करणारे इसमांची माहिती काढुन कारवाई करणेबाबत सुचना व मार्गदर्शन करुन पथकास रवाना केले.
वर नमुद पथक संगमनेर शहर परिसरामध्ये कत्तलखान्याची माहिती काढत असतांना गुप्त बातमीदारामार्फत इसम नामे कासिफ असद कुरेशी रा. संगमनेर हा गल्ली नं. 02, मदिनानगर या ठिकाणी एका पत्र्याचे शेडमध्ये गोवंशीय जनावरांची कत्तल करत असल्याची पथकास माहिती प्राप्त झाली. पथकाने तात्काळ बातमीतील ठिकाणी जावुन खात्री केली असता सदर ठिकाणी 03 इसम गोवंशीय जनावरांची कत्तल करत असतांना दिसुन आले. त्यावेळी एक इसम पोलीसांना पाहुन पळुन गेला असुन तो मिळुन आला नाही. उर्वरीत 02 इसमांना ताब्यात घेवुन त्यांना त्यांचे नांव गांव विचारता त्यांनी त्यांची नावे 1) गुलाम फरिद जावेद कुरेशी,वय 30 वर्षे, रा. मोगलपुरा, पुणे रोड, संगमनेर, ता. संगमनेर, जि. अहिल्यानगर, 2) मोहंमद वसीम मुबारक अली,वय - 32 वर्षे, रा. शंकरपुर, बाहरिच, उत्तरप्रदेश, हल्ली रा. मदीनानगर, संगमनेर, ता. संगमनेर जि. अहिल्यानगर असे असल्याचे सांगितले. त्यांचेकडे पळुन गेलेल्या इसमाबाबत विचारपुस करता पळुन गेलेल्या इसमाचे नांव 3) कासिफ असद कुरेशी रा. कादी मस्जिद, पुणे रोड, संगमनेर, ता. संगमनेर जि. अहिल्यानगर असे असल्याचे सांगितले. सदर ठिकाणावरुन 9,30,000/- रुपये किमतीचे 3110 किलो गोमांस, 700/- रुपये किमतीची एक कुऱ्हाड व सुरी असा एकुण 9,30,700/- रुपये किमतीचा मुद्देमाल जप्त करण्यात आला.
त्यानंतर मिळालेल्या माहितीवरुन कोल्हेवाडी रोड, हाजीनगर, संगमनेर येथे मोना प्लॉट मधील काटवनामध्ये जावुन खात्री करता सदर ठिकाणी 2,15,000/- रुपये किमतीचे एकुण 16 लहान मोठे जिवंत गोवंशीय जनावरे विना चाऱ्यापाण्याचे व निर्दयतेने बांधलेल्या स्थितीत मिळुन आल्याने त्यांची सुटका करण्यात आली असुन सदर गोवंशीय जनावराबाबत खात्री करता सदरची जनावरे ही इसम नामे मुद्दस्सर हाजी कुरेशी रा. भारतनगर, संगमनेर, ता. संगमनेर जि. अहिल्यानगर (फरार) याने कत्तल करण्याचे उद्देशाने सदर ठिकाणी आणुन बांधलेली असल्याची माहिती प्राप्त झाली.
वरील दोन्ही ठिकाणी करण्यात आलेल्या कारवायामध्ये एकुण 11,75,700/- रुपये किमतीचा मुद्देमाल जप्त करुन 16 गोवंशीय जनावरांची सुटका करण्यात आली असुन आरोपीविरुध्द अनुक्रमे संगमनेर शहर पोलीस ठाणे गु.र.नं. 1107/2025 भारतीय न्याय संहिता 2023 चे कलम 271, 325, 3(5) सह प्राणी संरक्षण अधिनियम कलम 5 (ब), 5(क), 9, 9(अ) प्रमाणे व संगमनेर शहर पोलीस ठाणे गु.र.नं. 1106/2025 प्राणी संरक्षण अधिनियम कलम 5 (अ), 5(ब), 9 सह प्राण्यांचा छळ अधिनियम कलम 3 व 11 प्रमाणे गुन्हे दाखल करण्यात आले आहेत.
वरील कारवाई श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.

Devashish Govind Tokekar
VANDE Bharat live tv news Nagpur
Editor/Reporter/Journalist
RNI:- MPBIL/25/A1465
Indian Council of press,Nagpur
Journalist Cell
All India Media Association
Nagpur District President
Delhi Crime Press
RNI NO : DELHIN/2005/15378
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015