બાળવાર્તા નિર્માણ સ્પર્ધામાં ભાટસણ પગાર કેન્દ્ર શાળા પીએમ શ્રી ગુજરાત પ્રથમ ક્રમાંકે વિજેતા

સરસ્વતી તાલુકા કક્ષાની બાળ વાર્તા સ્પર્ધા બી.આર.સી.ભવન સરસ્વતી મુકામે યોજાઇ

પાટણ

નિપુણ ભારત કાર્યક્ર્મ હેઠળ જિલ્લા શિક્ષણ અને તાલીમ ભવન પાટણ માર્ગદર્શિત સરસ્વતી તાલુકાની બી.આર.સી. કક્ષાની બાળ વાર્તા સ્પર્ધા બી.આર.સી.ભવન સરસ્વતી મુકામે યોજાઈ. જેમાં પ્રારંભિક, પ્રાથમિક અને ઉચ્ચ પ્રાથમિક એમ ત્રણ વિભાગ માં બાળકોની સ્પર્ધા થઈ હતી.જેમાં કુલ 36 બાળકો જે સી.આર.સી કક્ષાએ વિજેતા થયેલા હતા તેમને આજરોજ બી.આર.સી તાલુકા કક્ષાએ ભાગ લીધો હતો.

ઉચ્ચ પ્રાથમિક વિભાગમાં પાટણ પગાર કેન્દ્ર શાળા પીએમ શ્રી ગુજરાતની દીકરી ઠાકોર અંકિતાબેન માવજીજી પ્રથમ ક્રમાંક પ્રાપ્ત કરી શાળા અને ગામનું ગૌરવ વધાર્યું છે. શાળાના શિક્ષક નિલેશ શ્રીમાળીએ જણાવ્યું કે વિવિધ અભ્યાસિક પ્રવૃત્તિઓ નિયમિત શાળા કક્ષાએ કરવામાં આવે છે જેના કારણે અમારી શાળાના વિદ્યાર્થીઓ ઉત્તમ પ્રદર્શન કરતા હોય છે જેના ભાગરૂપે આ પ્રથમ ક્રમ આવ્યો છે અને હવે જિલ્લા કક્ષા માટે પણ અમે દીકરીને વધુ તૈયારી કરાવીશું. અમારું લક્ષ ક્રમાંક પ્રાપ્ત કરવો નહીં પરંતુ બાળકોમાં વિવિધ ગુણોનો વિકાસ થાય અને સર્વાંગી શિક્ષણ પ્રાપ્ત કરે તે સુનિશ્ચિત કરવાનો છે.

બી.આર.સી.કો.શ્રી રાતાજી ઠાકોર દ્વારા તમામ બાળકોને ઈનામ અને પ્રમાણપત્ર આપી સન્માનિત કરવામાં આવ્યા હતા. શાળાના આચાર્યશ્રી શૈલેષભાઈ સુથાર અને સ્ટાફ પરિવાર દ્વારા અભિનંદન પાઠવવામાં આવ્યા હતા. શિક્ષક શ્રી રાજેશભાઈ પરમાર અને ચિત્ર શિક્ષક માસુમપુરી ગોસ્વામી માર્ગદર્શક તરીકે તાલુકા કક્ષાએ હાજર રહ્યા હતા.