ଆସ ପଢ଼ିବା - ନୀଳମଣି ଚାନ୍ଦ ଙ୍କ ଦ୍ଵାରା ରଚିତ କବିତା।

ଆସ ପଢ଼ିବା

ପୁସ୍ତକ ପଢ଼ିଲେ ମିଳଇ ଜ୍ଞାନ
ନାହିଁ ବନ୍ଧୁଟିଏ ତା'ର ସମାନ
କେ କହେ ପଢ଼
ଜ୍ଞାନମାର୍ଗଟିରେ ଆଗକୁ ବଢ଼ ।

ଲୋକମାନଙ୍କର ମନକୁ ପଢ଼
ହୁଅନ୍ତୁ ସେ ସାନ ଅବାରେ ବଡ଼
ଏ ଭଲ କଥା
ମିଳେ ତାଙ୍କ ଠାରୁ ଯେ ଅଭିଜ୍ଞତା ।

ଭଲପୁସ୍ତକକୁ ହୁଏରେ ଚିହ୍ନି
ଭଲମଣିଷ କେ ହୁଏରେ ଜାଣି
ଆସ ପଢ଼ିବା
ତେବେରେ ଆଗକୁ ସିନା ବଢ଼ିବା।

ଚାଲିଥାଉ ପରା ପୁସ୍ତକ ପଢ଼ା
ପୃଷ୍ଠା ପରେ ପୃଷ୍ଠା ଆଗକୁ ଗଡ଼ା
ମିଳଇ ଜ୍ଞାନ
ହୁଏରେ ସଭିଙ୍କ ବିକାଶ ଜାଣ ।

ମଣିଷ ପଢ଼ିବା ଜଟିଳ କାମ
ପଢ଼ାପଢ଼ି କାମ ଥାଉରେ ଆମ
ଆସ ପଢ଼ିବା
ନିଜକୁ ସଫଳ କରି ଗଢ଼ିବା ।


ନୀଳମଣି ଚାନ୍ଦ
ପୁରୁଣିଆଁ, ଶାଳପଡ଼ା ,ଆନନ୍ଦପୁର
କେନ୍ଦୁଝର,ମୋ:୯୫୮୩୨୦୨୩୫୭