पिस्तुलाने ठार मारण्याची धमकी देणारा शिर्डीचा कुख्यात पाप्या शेख LCB ने पकडला...

प्रेस नोट
शिर्डी, अहिल्यानगर

पिस्तुलाने ठार मारण्याची धमकी देणारा शिर्डीचा कुख्यात पाप्या शेख LCB ने पकडला...


शिर्डी (शिवप्रहार न्युज)- पिस्तुलाचा धाक दाखवुन जिवे ठार मारण्याची धमकी देणारा शिर्डी येथील रेकॉर्डवरील गुन्हेगार पाप्या उर्फ सलीम ख्वाजा शेख याला स्थानिक गुन्हे शाखाने (LCB) जेरबंद केले आहे.

अधिक माहिती अशी की, दिनांक 04/11/2025 रोजी सायंकाळी 05.30 वा. चे सुमारास फिर्यादी दिपक किसन जाधव रा. लक्ष्मीनगर, गल्ली नं. 3, शिर्डी, ता. राहाता हे त्यांचा मुलगा निलेश असे शिर्डी येथुन सावळीविहीर येथे जात असतांना पाप्या उर्फ सलीम ख्वाजा शेख व त्याचे इतर साथीदार अशांनी फिर्यादीचे मुलास अडवुन त्यांना पिस्तुल दाखवुन, शिवीगाळ व दमदाटी करुन जिवे मारण्याची धमकी दिलेली आहे. सदर घटनेबाबत फिर्यादी यांनी दिलेल्या फिर्यादीवरुन शिर्डी पोलीस स्टेशन गु.र.नं. 964/2025 भारतीय न्याय संहिता 2023 चे कलम 189 (2), 191(2)(3), 190, 351 (2), 352, 126 सह आर्म ऍ़क्ट कायदा कलम 3/25 प्रमाणे गुन्हा दाखल करण्यात आलेला आहे.
हा गुन्हा दाखल झाल्यानंतर पोलीस अधीक्षक सोमनाथ घार्गे यांनी स्थानिक गुन्हे शाखेस सदर गुन्ह्यातील आरोपींची माहिती काढुन त्यांना ताब्यात घेणेबाबत सुचना देण्यात आल्या होत्या.सुचनेप्रमाणे स्थानिक गुन्हे शाखाचे पोनि.किरणकुमार कबाडी यांनी स्थानिक गुन्हे शाखेचे पोउपनि.दिपक मेढे, पोलीस अंमलदार फुरकान शेख, विजय पवार, राहुल द्वारके, राहुल डोके, भिमराज खर्से, सतिष भवर, सुनिल मालणकर, प्रशांत राठोड, प्रमोद जाधव तसेच शिर्डी पोलीस स्टेशनचे पोउपनि.सागर काळे यांचे पथक तयार करुन सदर पथकास आरोपींची माहिती काढुन आरोपींस ताब्यात घेणेबाबत सुचना व मार्गदर्शन करुन पथकास रवाना करण्यात आले होते.
स्थानिक गुनेशाखेचे पथक आरोपींची माहिती काढत असतांना पथकास सदर गुन्ह्यातील आरोपी पाप्या शेख हा शिर्डी परिसरातील फायबर कारखान्याचे जवळ असलेल्या हॉटेल रेणुका चे पाठीमागील बाजुचे काटवनामध्ये बसलेला असल्याची माहिती मिळाली तेव्हा पथक तात्काळ तेथे गेले असता पथकास पाहुन पळुन जावु लागल्याने पथकाने त्याचा पाठलाग करुन त्यास ताब्यात घेतले.
पकडलेला आरोपी पाप्या उर्फ सलीम ख्वाजा शेख वय 45 वर्षे, रा. कालीकानगर, शिर्डी, ता. राहाता, जि. अहिल्यानगर याला शिर्डी पोलीस स्टेशन येथे दाखल गुन्ह्याच्या तपासकामी शिर्डी पोलीस स्टेशन येथे हजर करण्यात आले असुन पुढील तपास शिर्डी पोलीस स्टेशन करीत आहे. सदरची कारवाई पोलीस अधीक्षक सोमनाथ घार्गे यांच्या सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केली आहे.

RNI:- MPBIL/25/A1465
Devashish Tokekar
VANDE Bharat live tv news Nagpur
Editor/Reporter/Journalist
Indian Council of press,Nagpur
Journalist Cell
All India Media Association
Nagpur District President
Delhi Crime Press
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015