पिस्तुलाचा धाक दाखवुन जिवे ठार मारण्याची धमकी देणारा रेकॉर्डवरील गुन्हेगार पाप्या उर्फ सलीम ख्वाजा शेख स्थानिक गुन्हे शाखा अहिल्यानगर कडुन जेरबंद ....

---------------------------

----------------------------
प्रस्तुत बातमीची हकीगत अशी की, दिनांक 04/11/2025 रोजी सायंकाळी 05.30 वा. चे सुमारास फिर्यादी श्री दिपक किसन जाधव रा. लक्ष्मीनगर, गल्ली नं. 3, शिर्डी, ता. राहाता हे त्यांचा मुलगा निलेश असे शिर्डी येथुन सावळीविहीर येथे जात असतांना पाप्या उर्फ सलीम ख्वाजा शेख व त्याचे इतर साथीदार अशांनी फिर्यादीचे मुलास अडवुन त्यांना पिस्तुल दाखवुन, शिवीगाळ व दमदाटी करुन जिवे मारण्याची धमकी दिलेली आहे. सदर घटनेबाबत फिर्यादी यांनी दिलेल्या फिर्यादीवरुन शिर्डी पोलीस स्टेशन गु.र.नं. 964/2025 भारतीय न्याय संहिता 2023 चे कलम 189 (2), 191(2)(3), 190, 351 (2), 352, 126 सह आर्म ऍ़क्ट कायदा कलम 3/25 प्रमाणे गुन्हा दाखल करण्यात आलेला आहे.
सदर गुन्हा दाखल झाल्यानंतर मा. पोलीस अधीक्षक श्री सोमनाथ घार्गे, यांनी स्थानिक गुन्हे शाखेस सदर गुन्ह्यातील आरोपींची माहिती काढुन त्यांना ताब्यात घेणेबाबत सुचना देण्यात आल्या होत्या. सदर सुचनेप्रमाणे पोनि श्री किरणकुमार कबाडी, स्थानिक गुन्हे शाखा अहिल्यानगर यांनी स्थानिक गुन्हे शाखेचे पोउपनि/दिपक मेढे, पोलीस अंमलदार फुरकान शेख, विजय पवार, राहुल द्वारके, राहुल डोके, भिमराज खर्से, सतिष भवर, सुनिल मालणकर, प्रशांत राठोड, प्रमोद जाधव तसेच शिर्डी पोलीस स्टेशनचे पोउपनि/सागर काळे यांचे पथक तयार करुन सदर पथकास आरोपींची माहिती काढुन आरोपींस ताब्यात घेणेबाबत सुचना व मार्गदर्शन करुन पथकास रवाना करण्यात आले होते.
वर नमुद पथक हे दिनांक 26/12/2025 रोजी वर नमुद गुन्ह्यातील आरोपींची माहिती काढत असतांना पथकास सदर गुन्ह्यातील आरोपी नामे पाप्या शेख हा शिर्डी परिसरातील फायबर कारखान्याचे जवळ असलेल्या हॉटेल रेणुका चे पाठीमागील बाजुचे काटवनामध्ये बसलेले असल्याची माहिती प्राप्त झाल्याने पथकाने तात्काळ बातमीतील ठिकाणी जावुन खात्री करता सदर ठिकाणी एक संशयीत इसम दिसुन आला. सदरचे पथक हे त्याचेकडे जात असतांना तो पथकास पाहुन पळुन जावु लागल्याने पथकाने त्याचा पाठलाग करुन त्यास ताब्यात घेण्यात आले असुन त्यास त्याचे नांव गांव विचारता त्याने त्याचे नांव 1) पाप्या उर्फ सलीम ख्वाजा शेख वय 45 वर्षे, रा. कालीकानगर, शिर्डी, ता. राहाता, जि. अहिल्यानगर असे असल्याचे सांगितले आहे.
. ताब्यातील आरोपीस शिर्डी पोलीस स्टेशन गु.र.नं. 964/2025 भारतीय न्याय संहिता 2023 चे कलम 189 (2), 191(2)(3), 190, 351 (2), 352, 126 सह आर्म ऍ़क्ट कायदा कलम 3/25 प्रमाणे गुन्ह्याचे तपासकामी शिर्डी पोलीस स्टेशन येथे हजर करण्यात आले असुन पुढील तपास शिर्डी पोलीस स्टेशन करीत आहे.
सदरची कारवाई मा. श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.