श्रीरामपुरात ट्रक चालकाला चाकू लावून लुटले...

प्रेस नोट
श्रीरामपूर, अहिल्यानगर

श्रीरामपुरात ट्रक चालकाला चाकू लावून लुटले...

श्रीरामपूर (शिवप्रहार न्युज) - ट्रकचे चाक तुटल्याने रस्त्याच्या कडेला संगमनेर रोडवर उभ्या केलेल्या ट्रक चालकास रात्री १ च्या सुमारास चाकू लावून लुटण्यांचा प्रकार श्रीरामपुरात घडला आहे.

याबाबत, रामसिया रामनिहोर यादव, वय-२८ या ट्रकवरील क्लिनरने दिलेल्या फिर्यादीत म्हटले आहे की, वाशिम येथून श्रीरामपूर एमआयडीसीत आपण सोयाबीन घेवून आलो असता श्रीरामपुरात ट्रकचे चाक तुटल्याने संगमनेर रोडवरील कमल पेट्रोल पंप येथे रस्त्याच्या कडेला आपण ट्रक लावला. आपल्याबरोबर गाडीचालक व त्याचे वडील गाडीत होते. केबिनचा दरवाजा बंद करून आम्ही झोपलो असता मध्यरात्री दोघा जणांनी दरवाजा खोल असे म्हणत ट्रकवर चढून दरवाजाला लाथा मारल्या. तेव्हा दरवाजाची काच उघडून तुम कौन हो असे विचारले असता एकाने हातात चाकू घेवून दरवाजा खोल नही तो मारूंगा असा दम देवून दरवाजा उघडायला लावला. तेव्हा राहुल्या तू पलिकडून ये असे म्हणत धारधार चाकू काढून गळ्यावर लावून आमच्याकडील पैसे व मोबाईल मागितले. तसेच केबिनमध्ये उचकापाचक केली मात्र, त्यांना पैसे न मिळाल्याने त्यांनी आमच्याकडील मोबाईल हिसकावून मोटारसायकलवरून ते पळून गेले. सदर मोटारसायकलचा क्रमांक पोलिसांना देण्यात आला आहे. दोघा अनोळखी आरोपीविरुद्ध श्रीरामपूर शहर पोलिसात गुन्हा दाखल करण्यात आला आहे.


RNI:- MPBIL/25/A1465
Devashish Tokekar
VANDE Bharat live tv news Nagpur
Editor/Reporter/Journalist
Indian Council of press,Nagpur
Journalist Cell
All India Media Association
Nagpur District President
Delhi Crime Press
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015