किणी वडगाव येथील जबरी चोरीचा गुन्हा " 12 तासात उघड स्थानिक गुन्हे अन्वेषण शाखा कोल्हापूर यांची कारवाई

किणी वडगाव येथील जबरी चोरीचा गुन्हा " 12 तासात उघड " 60 किलो चांदी 10 ग्रॅम सोने व मशनीरीचे स्पेअर पार्ट असा एकूण 1,22,15,000/- रू किंमतीचा मुद्देमाल जप्त.
स्थानिक गुन्हे अन्वेषण शाखा कोल्हापूर यांची कारवाई
तक्रारदार नामे श्री मछिंद्र नामदेव बोबडे वय 47, रा. सवित्री प्लाझा भेंडे गल्ली शिवाजी चौक कोल्हापुर हे दशरथ शामराव बोबडे यांचे मालकीच्या न्यु अंगडीया सर्विस मध्ये कोल्हापूर ते मुंबई पार्सल ने आण करण्याचे काम करीत असतात. दि. 22.12.2025 रोजी रात्री 11.00 वा चे सुमारास अशोक ट्रॅव्हल क्र एम एच 09 जी जे 7272 या गाडीतुन 60 किलो चांदी व 10 ग्रॅम सोने व मशनरीचे स्पेअर पार्ट असे तीन पार्सल घेवुन कोल्हापूरातुन मुंबई करीता निघाले होते. त्यावेळी तावडे हॉटेल येथे तीन इसम गाडी मध्ये चढले त्यांनतर ते इसम वाठार येथे गाडी आलेनंतर मागील सीट वरुन पुढे ड्रायव्हर केबीन मध्ये येवुन बसले त्यानंतर त्यां केबीन मध्ये बसलेल्या एका इसमाने त्याचे बॅगेतील कोयता काढुन तो गाडीच्या क्लिनरच्या मानेला लावुन चालकाला गाडी थांबविण्यास सांगीतले त्यानंतर इतर इसमांनी फिर्यादी व क्लिनरला मारहाण करुन खाली उतरवले. त्यावेळी इसमांचे बाकीच्या साथीदारानी दुचाकी वाहनावरुन येवुन फिर्यादीकडुन जबरदस्तीने फिर्यादीची 60 किलो चांदी 10 ग्रॅम सोने व मशनीरीचे स्पेअर पार्ट असा मुद्देमाल कोयत्याचा धाक दाखुवन काढुन घेवुन पळुन गेले बाबत फिर्यादी यांनी दिले फिर्यादीवरुन वडगाव पोलीस ठाणे गुरनं 664/2025 बी एन एस 309[4],311,3[5] प्रमाणे आज दिनांक 23/12/2025 रोजी गुन्हा नोंद करणेत आलेला आहे.
सदर गुन्हयाचे गांभीर्य लक्षात घेता मा. पोलीस अधीक्षक साो, श्री. योगेश कुमार गुप्ता, मा. अपर पोलीस अधीक्षक साो, आण्णासाहेब जाधव, उप विभागीय पोलीस अधिकारी श्री. अमोल ठाकुर यांचेसह स्थानिक गुन्हे शाखेचे पोलीस निरीक्षक सुशांत चव्हाण व वडगाव पोलीस ठाणेचे पोलीस निरीक्षक प्रमोद शिंदे यांनी भेट दिली. मा. पोलीस अधीक्षक सो यांनी महामार्गावर जबरी चोरीचा गंभीर स्वरुपाचा गुन्हा घडलेने स्थानिक गुन्हे अन्वेषण शाखेचे पोलीस निरीक्षक सुशांत चव्हाण यांना सदर गुन्ह्यांचा समांतर तपास करुन गुन्हा उघडकीस आणणे बाबत आदेशित केले होते.
मा.पोलीस अधीक्षक साो, यांनी दिले सुचनांप्रमाणे पोलीस निरीक्षक, श्री सुशांत चव्हाण यांनी स्थानिक गुन्हे कोल्हापूर कडील सहा. पोलीस निरीक्षक सागर वाघ, पोलीस उपनिरीक्षक संतोष गळवे , पोलीस उपनिरीक्षक जालींदर जाधव यांची पथके तयार करुन नमुद गुन्ह्याचा समांतर तपास चालू केला. सदर पथकाने गुन्ह्याचे घटनास्थळी भेट देवून गुन्ह्याचे ठिकाणची पाहणी व आसपासचे परिसराची पाहणी करुन तपास सुरु केला. कोल्हापूर बस स्टँड ते गुन्हा घडले ठिकाणी किणी या गावापर्यत असणा-या सर्व सीसीटीव्ही कॅमे-यांची पाहणी करुन गुन्हा घडले ठिकाण व गुन्हा घडणेची प्रक्रियाची माहिती घेत असताना सदरचा गुन्हा हा गुन्हा घडले ठिकाणी परिपुर्ण माहिती असणारे इसमानेच केला असावा असा प्राथमिक अंदाज घेवून सदर गुन्हयाचा तपास करीत असताना तपास पथकातील अधिकारी व अमंलदार यांना गोपनिय माहिती मिळाली की, सदरचा गुन्हा अक्षय कदम रा. विक्रमनगर कोल्हापूर याने व त्याचे साथीदाराने मिळुन केला असून जबरी चोरी करुन चांदी व इतर मुददेमाल घेवुन तो त्याचे विक्रमनगर मधील घरी असलेची गोपनिय माहिती मिळाली. त्यानंतर तपास पथकातील पथक त्याचे घरी जावुन अक्षय कदम यास ताब्यात घेतले व त्याचे घडले गुन्हयाबाबत चौकशी केली असता त्याने गुन्हयाची कबुली दिली. अक्षय कदम याचे राहते घराची झडती घेतली असता त्याचे घरामध्ये जबरी चोरी केलेली 60 किलो चांदी, 10 ग्रॅम सोने, मोबाईल हॅडसेट व मशनरीचे स्पेअर पार्ट मिळुन आला सदरचा मुद्देमाल पंचासमक्ष कायदेशीर प्रक्रिया करुन ताब्यात घेतला. त्यानंतर अक्षय कदम यास त्याचे पुर्ण नाव पत्ता विचारले असता त्याने त्याचे नाव अक्षय बाबासाहेब कदम वय 31 रा. विक्रमनगर 3 रा. बस स्टॉप कोल्हापुर असे सांगितले. आज रोजी आंम्ही साथीदार चोरलेल्या मुद्देमालाचे अनुषंगाने टेंबलाई मंदिर येथे भेटणार आहोत असे सांगितलेने त्या माहितीच्या अनुषंगाने स्थानिक गुन्हे अन्वेषण शाखेचे पथकाने टेंबलाई मंदीर येथे सापळा रचुन अक्षय कदम याचे साथीदार 1) जैद बशीर अफगाणी वय 21 रा. मदीना कॉलनी, उचगांव कोल्हापूर 2) अमन लियाकत सय्यद वय 21 रा. 2 रा बस स्टॉप शेजारी, विक्रमनगर कोल्हापूर 3) सुजल प्रताप चौगले वय 20 रा. आकाशवाणी रोड, सांगली 4) आदेश अरविंद कांबळे वय 18 रा. आकाशवाणी रोड, सांगली 5) अदिनाथ संतोष विपते वय 25 रा. आकाशवाणी रोड, सांगली, 6) सैफू बशीर अफगाणी रा मदिना कॉलनी, उंचगाव, कोल्हापूर ( क्लीनर ) यांना ताब्यात घेतले असता त्यांनी सुध्दा गुन्हयाची कबुली दिलीने त्यांना पुढील तपास कामी वडगाव पोलीस ठाणे येथे जमा केले असुन पुढील तपास वडगाव पोलीस ठाणे करवी सुरु आहे.
सदर आरोपी यांनी सदरचा गुन्हा हा आपले चैनी करीता व कर्जबाजारी असलेने केला असले बाबत प्राथमिक तपासामध्ये निष्पण झाले आहे.
सदरची कारवाई मा.पोलीस अधीक्षक, श्री योगेश कुमार गुप्ता साो, मा. अपर पोलीस अधीक्षक आण्णासाहेबत जाधव साो, उप विभागीय पोलीस अधिकारी श्री अमोल ठाकुर, यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक श्री. सुशांत चव्हाण, सहा पोलीस निरीक्षक सागर वाघ, पोलीस उपनिरीक्षक संतोष गळवे, जालींदर जाधव व पोलीस अमंलदार, हिंदुराव केसरे, संजय कुंभार, वैभव पाटील, रोहित मर्दाने, वसंत पिंगळे, शुभम संकपाळ, युवराज पाटील, संदीप पाटील, अमित सर्जे, अरविंद पाटील, शिवांनद मठपती, विशाल चौगले, सचिन जाधव, अनिकेत मोरे, गजानन गुरव, संतोष बरगे, सत्यजित तानुगडे, विशाल खराडे, राजेश राठोड, सुशिल पाटील यांनी केली आहे.