నైరుతి బంగాళాఖాతంలో దిత్వా తుపాను కొనసాగుతోంది. శ్రీపొట్టిశ్రీరాములు నెల్లూరు, చిత్తూరు, తిరుపతి జిల్లాలకు

నైరుతి బంగాళాఖాతంలో దిత్వా తుపాను కొనసాగుతోంది. శ్రీపొట్టిశ్రీరాములు నెల్లూరు, చిత్తూరు, తిరుపతి జిల్లాలకు వాతావరణ విభాగం రెడ్‌ ఎలర్ట్‌ జారీ చేసింది. ఈ జిల్లాల్లో భారీ నుంచి అత్యంత భారీ వర్ష సూచన ఉందని తెలిపింది. తుపాను ప్రభావంతో రాబోయే మూడు రోజులూ రాష్ట్రంలోని పలు ప్రాంతాల్లో విస్తారంగా వర్షాలు కురిసే అవకాశముందని అమరావతి వాతావరణ కేంద్రం పేర్కొంది. ఆదివారం.. శ్రీపొట్టిశ్రీరాములు నెల్లూరు, చిత్తూరు, తిరుపతి జిల్లాల్లో భారీ నుంచి అత్యంత భారీ వర్షాలు, ప్రకాశం, అన్నమయ్య, వైఎస్సార్‌ కడప జిల్లాల్లో భారీ నుంచి అతిభారీ వర్షాలు, అనంతపురం, శ్రీసత్యసాయి, కర్నూలు, నంద్యాల, పల్నాడు, బాపట్ల, గుంటూరు జిల్లాల్లో భారీ వర్షాలు కురిసే అవకాశముందని తెలిపింది.