ଶୁଦ୍ଧିକ୍ରିୟା ପାଇଁ ପ୍ରଶାସନକୁ ସାହାଯ୍ୟ ମାଗିଲେ ପରିବାର ଲୋକ!

ଶୁଦ୍ଧିକ୍ରିୟା ପାଇଁ ପ୍ରଶାସନକୁ ସାହାଯ୍ୟ ମାଗିଲେ ପରିବାର ଲୋକ!

ଘଷିପୁରା,୨୯/୧୧- ମାସ ମଧ୍ୟରେ ଦୁଇଟି ସନ୍ତାନଙ୍କୁ ହରାଇଥିବା ଏକ ଭାଙ୍ଗିପଡିଥିବା ପରିବାର ନିଜ ଗ୍ରାମରେ ଶୋକରେ ବୁଡି ରହିଛି। ଘଷିପୁରା ବ୍ଲକର ପଣ୍ଡୁଆ ଗ୍ରାମବାସୀ ବୃଦ୍ଧ ଦମ୍ପତି ଗୋବିନ୍ଦ ଜେନା (୭୦) ଏବଂ ସୁବାଶିନୀ ଜେନା (୫୫) ନିକଟତମ ଦୁଇଟି ପୁତ୍ରଙ୍କୁ ହରାଇ ଜୀବନଟିକୁ ଏକ ଭୟଙ୍କର ଯନ୍ତ୍ରଣାରେ ପରିଣତ କରିଛନ୍ତି। ଏବେ ସେମାନେ ପ୍ରଶାସନଙ୍କ ନିକଟରେ ଆର୍ଥିକ ସାହାଯ୍ୟ ଏବଂ ସାନ ପୁଅର ଶୁଦ୍ଧିକ୍ରିୟା ସମ୍ପନ୍ନ କରିବା ପାଇଁ ଆହ୍ୱାନ ଜାରି କରିଛନ୍ତି।ଗତ ପାଞ୍ଚ ବର୍ଷ ଧରି କର୍କଟ ରୋଗ ସହିତ ଲଢିକରି ଗୋବିନ୍ଦଙ୍କ ବଡପୁଅ ସଞ୍ଜୟ ଜେନା (୪୦) ଅଳ୍ପ କିଛି ଦିନ ତଳେ ମୁର୍ତ୍ୟୁ କରିଛନ୍ତି। ସଞ୍ଜୟ ନିଜର ପତ୍ନୀ ଲତା ଜେନା (୩୦) ଏବଂ ତିନି ଝିଅଙ୍କୁ ଛାଡିଯାଇଛନ୍ତି। ପରିବାରର ଏକମାତ୍ର ଅନ୍ୟ ଆଶା ଥିଲା ସାନପୁଅ ଶରତ ଜେନା (୩୦), ଯିଏକି ସମ୍ପୂର୍ଣ୍ଣ ପରିବାରର ଭରଣପୋଷଣ ଭାର ବହନ କରୁଥିଲେ। କିନ୍ତୁ ଦୁର୍ଭାଗ୍ୟ ବସେତେ ବାର ଦିନ ତଳେ ହଟଚୋକ ରେ ଶରତଙ୍କର ମୃତ୍ୟୁ ହୋଇଛି।
ଏହି ମାମଲାରେ ଗୋବିନ୍ଦ ଜେନା କହିଛନ୍ତି, “ମୋର ଦୁଇଟି ସନ୍ତାନଙ୍କୁ ହରାଇଲି। ମୋ ବଡପୁଅ ରୋଗରେ ଚାଲିଗଲା, ଆଉ ସାନପୁଅ ହଟ ଚୋକ ରେ। ଆମେ ନିରାଶୟ ବୁଢା ବୁଢୀ ହୋଇଗଲୁ, ଆଉ କିଏ ଅଛି ଆମ ପାଖରେ? ମୋ ବଡପୁଅର ପରିବାର, ତିନି ଝିଅ ଏବଂ ବୋହୁ ଲତା କେମିତି ଚଳିବେ? ପ୍ରଶାସନ ଯଦି ସାହାଯ୍ୟ କରନ୍ତେ, ସାନ ପୁଅ ଶୁଦ୍ଧିକ୍ରିୟା ହୁଅନ୍ତା ଏବଂ ଲତାଙ୍କୁ ଭର୍ତ୍ତା ଟଙ୍କା ମିଳିବା ସହ ଆବାସ ଯୋଜନା ଟେ କରେଇଦେଲେ ତାଙ୍କ ପାରିବାର ରହିବା ସହ ସେ ତାଙ୍କ ଝିଅମାନଙ୍କୁ ପାଠ ପଢାଇପାରିବେ।ଏହି ଦୁଃଖଦ ଘଟଣା ସମଗ୍ର ସମାଜ ପାଇଁ ଏକ ବଡ଼ ପ୍ରେରଣା। ପ୍ରଶାସନ ଏବଂ ସମାଜ ସେବା ସଂସ୍ଥାଗୁଡିକ ଆଗେଇ ଆସି ଏହି ଭାଙ୍ଗିପଡିଥିବା ପରିବାରକୁ ସାହାଯ୍ୟ କରିବା ଉଚିତ୍। ଗୋବିନ୍ଦ ଜେନାଙ୍କ ଆବେଦନ ଯେକୌଣସି ସଚେତନ ମନୁଷ୍ୟଙ୍କ ହୃଦୟ ସ୍ପର୍ଶ କରିବ। ଶୋକାକୁଳ ଏହି ପରିବାରଙ୍କ ପାଇଁ ଆମର ଛୋଟ ଛୋଟ ଉଦ୍ୟମ ମଧ୍ୟ ଏକ ବଡ଼ ସହାୟତା ହୋଇପାରେ। ପ୍ରଶାସନ ଏବଂ ସମାଜର ସଦିଚ୍ଛା ହିଁ ଏହି କଷ୍ଟଭୋଗୀ ପରିବାରଟିକୁ ନୂତନ ଜୀବନ ଦାନ କରିପାରିବ।