ପାଞ୍ଚ ମାସର ଭତ୍ତା ଟଙ୍କା ଅଟକ ଅସହାୟ ବିଧବାର ଜୀବନଯାପନ ସଙ୍କଟରେ!

ପାଞ୍ଚ ମାସର ଭତ୍ତା ଟଙ୍କା ଅଟକ ଅସହାୟ ବିଧବାର ଜୀବନଯାପନ ସଙ୍କଟରେ!

ଘଷିପୁରା: ୨୯ / ୧୧- ବ୍ୟବସ୍ଥାର ଜଟିଳତା ଏବଂ ଅକର୍ମଣ୍ୟତାର ଶିକାର ହୋଇ ଏକ ଅସହାୟ ବିଧବା ମହିଳାଙ୍କ ଜୀବନ ଦୟାବଦ୍ଧ। ଘସିପୁରା ବ୍ଲକର ପଣ୍ଡୁଆ ଗ୍ରାମବାସିନୀ କମଳା ଜେନା (୭୨)ପାଞ୍ଚ ମାସ ଧରି ତାଙ୍କର ମାସିକ ଭତ୍ତା ପାଇଁ ପଞ୍ଚାୟତରୁ ବ୍ୟାଙ୍କ ଦୌଡାଦୌଡି ନିରାଶ ହେଉଛନ୍ତି। ପୂର୍ବେ ପଞ୍ଚାୟତ କାର୍ଯ୍ୟାଳୟରୁ ହାତାହାତି ଭତ୍ତା ଟଙ୍କା ମିଳୁଥିବା କମଳାଙ୍କୁ ବର୍ତ୍ତମାନ DBT (ଡାଇରେକ୍ଟ ବେନିଫିଟ ଟ୍ରାନ୍ସଫର) ପଦ୍ଧତିରେ ବ୍ୟାଙ୍କ ଏକାଉଣ୍ଟରେ ଟଙ୍କା ପଠାଯିବା କୁହାଯାଉଛି। ଏଥିପାଇଁ ସେ ଆଧାର ଓ ବ୍ୟାଙ୍କ ଏକାଉଣ୍ଡର ନକଲ ଜମା ଦେଇସାରିଛନ୍ତି । ତଥାପି, ପାଞ୍ଚ ମାସ ଅତିବାହିତ ହୋଇଯାଇଥିବା ବେଳେ ତାଙ୍କ ଏକାଉଣ୍ଟରେ ଟଙ୍କା ପହଞ୍ଚି ନାହିଁ। ମାସକୁ ମିଳୁଥିବା ଏକହଜାର ଟଙ୍କା ଭତ୍ତାରେ ଚିକିତ୍ସା ଓ ଘରଖର୍ଚ୍ଚ ଚଳାଉଥିବା କମଳା ଜୀବନ ବିଷମୟ ହୋଇପଡିଛି । ଏହି ଅବସ୍ଥାକୁ ନେଇ ସ୍ଥାନୀୟ ବୁଦ୍ଧିଜୀବୀମାନେ ପ୍ରଶ୍ନ ଉଠାଇଛନ୍ତି ।

ବିଜୟ ଜେନାଙ୍କ ରିପୋର୍ଟ, ମୋବାଇଲ: 77355 89657