అరకు: దేశ ఐక్యతలో పటేల్ కృషి మరువలేనిది

ఎన్నో పోరాటాలు చేసి సాధించిన భారతదేశ ఐక్యతను ముందు తరాలవారికి తెలియజేయడానికి ఈ ఐక్యత యాత్ర నిర్వహిస్తున్నట్లు రాజ్యసభ సభ్యులు పీవీ సత్యనారాయణ తెలిపారు శనివారం అరకులోయలో జరిగిన ఐక్యత యాత్ర ను ఎంపీ జెండా ఊపి ప్రారంభించారు. చాలా దేశాలు స్వాతంత్రం వచ్చిన తర్వాత విడిపోయాయని, అలా కాకుండా మన దేశం స్వాతంత్రం వచ్చి ఏళ్ళు దాటిన భిన్నత్వంలో ఏకత్వం తో ఐక్యతగా ఉంటూ ప్రపంచానికి ఆదర్శంగా ఉందని ఎంపీ పేర్కొన్నారు. సర్ధార్ వల్లభాయ్ పటేల్ దేశ స్వాతంత్ర్యంలో మరియూ స్వాతంత్ర్యానంతరం చాలా కృషి చేసి దేశాన్ని ఐక్యతగా ఉంచారని ఆర్టీసీ రీజనల్ జోన్ చైర్మన్ దొన్నుదొర తెలిపారు. స్వాతంత్ర్య దేశంలో స్వతంత్ర్యంగా ఉన్న సంస్ధానాలను దేశంలో విలీనం చేసి దేశ ఐక్యతకు పటేల్ దోహదపడ్డారని బిజేపీ నాయకులు రాజారావు పేర్కొన్నారు. ఈ కార్యక్రమంలో అరకులోయ లోని ప్రభుత్వ డిగ్రీ కళాశాల ప్రిన్సిపాల్ డా కేబీకే నాయక్, మహిళ డిగ్రీ కళాశాల ప్రిన్సిపాల్ పట్టాసి చలపతిరావు తదితరులు పాల్గొన్నారు.