ସ୍ବର୍ଗତ ରମେଶ ଚନ୍ଦ୍ର ଚକ୍ରବର୍ତ୍ତୀ ଥିଲେ କେନ୍ଦୁଝରୀ ଅସ୍ମିତା ର ଅମ୍ଳାନ ପ୍ରତିଭାର ପ୍ରତୀକ।

ସ୍ବର୍ଗତ ରମେଶ ଚନ୍ଦ୍ର ଚକ୍ରବର୍ତ୍ତୀ ଥିଲେ କେନ୍ଦୁଝରୀ ଅସ୍ମିତା ର ଅମ୍ଳାନ ପ୍ରତିଭାର ପ୍ରତୀକ ****************************
"ସମୟ ର ଆଇନା ରେ କେନ୍ଦୁଝର" ର ଦ୍ଵିତୀୟ ସଂସ୍କରଣ ପାଠକାର୍ପିତ
*********************************
କେନ୍ଦୁଝର ତା୨୬/୧୧- କେନ୍ଦୁଝରର ସାରସ୍ୱତ ବରପୁତ୍ର ସ୍ବର୍ଗତ ରମେଶ ଚନ୍ଦ୍ର ଚକ୍ରବର୍ତ୍ତୀଙ୍କର ପଞ୍ଚାନବେତମ ଜୟନ୍ତୀ ଶ୍ରୀକ୍ଷେତ୍ର ଇଣ୍ଟରନେସେନାଲ୍ ହୋଟେଲ ର ସଭାଗୃହ ରେ ବିଶିଷ୍ଟ ଅଧିବକ୍ତା ଅଶ୍ଵିନୀ କୁମାର ପଟ୍ଟନାୟକ ଙ୍କ ସଭାପତିତ୍ଵରେ ଅନୁଷ୍ଠିତ ହୋଇ ଯାଇଛି।
ପଣ୍ତିତ ରଙ୍ଗାଧର ବେହେରା ଙ୍କ ବେଦମନ୍ତ୍ର ପାଠ ମଧ୍ୟରେ ଅତିଥିମାନେ କେନ୍ଦୁଝର ର ରାଷ୍ଟ୍ରଦେବୀ ମାଆ ତାରିଣୀ ଓ ଦିବଂଗତ ଗବେଷକଙ୍କ ପ୍ରତିକୃତି ରେ ପୁଷ୍ପମାଲ୍ୟ ଅର୍ପଣ ଓ ଧୂପ ପ୍ରଜ୍ବଳନ ମାଧ୍ୟମ ରେ ଉତ୍ସବ ର ଶୁଭାରମ୍ଭ କରିଥିଲେ।
ଗବେଷକଙ୍କ ଜ୍ୟେଷ୍ଠ ପୁତ୍ର କବି ଦେବାଶିଷ ଚକ୍ରବର୍ତ୍ତୀ ସ୍ୱାଗତ ଭାଷଣ ଦେଇଥିଲେ। ବିଶିଷ୍ଟ ଅଧିବକ୍ତା ଗୋପାଳ କୃଷ୍ଣ ପରିଡା ମୁଖ୍ୟଅତିଥି, କବି କୈଳାସ ଚନ୍ଦ୍ର ତନ୍ତୀ, ସମାଜ ସେବୀ ଗୀତାରାଣୀ ଦାଶ, ଓସ୍କା ର ସମ୍ପାଦିକା ଧରିତ୍ରୀ ରାଉତ ସମ୍ମାନିତ ଅତିଥି ଭାବରେ ଯୋଗ ଦେଇ ଦିବଂଗତ ଗବେଷକ ରମେଶ ଚନ୍ଦ୍ର ଚକ୍ରବର୍ତ୍ତୀ ଙ୍କ କେନ୍ଦୁଝର ଇତିହାସ ସମ୍ବଳିତ ଗ୍ରନ୍ଥ "ସମୟ ର ଆଇନା ରେ କେନ୍ଦୁଝର" ର ଦ୍ଵିତୀୟ ସଂସ୍କରଣ ର ପାଠକାଅର୍ପଣ କରିଥଲେ।
ବିଶିଷ୍ଟ କବି ସୁଧା ଦାଶ ଙ୍କ ପରିଚାଳନା ରେ ଅନୁଷ୍ଠିତ "କାଳଜୟୀ ରମେଶଚନ୍ଦ୍ର" ଶୀର୍ଷକ ଆଲୋଚନାଚକ୍ର ରେ ଚତୁର୍ଭୁଜ ହୋତା, ଡକ୍ଟର ଚିତ୍ତରଞ୍ଜନ ମିଶ୍ର,ରାମ ନାରାୟଣ ଦ୍ବିବେଦୀ, ନିରଞ୍ଜନ ବାରିକ୍, ଡକ୍ଟର୍ ଅନୀଲ କୁମାର ଦାସ, ଡକ୍ଟର୍ ସୁମନ୍ତ୍ର ନାଏକ , ନାରାୟଣ ନାଏକ, ଡମ୍ବରୁ ମହାନ୍ତ, ଭରତ ଚନ୍ଦ୍ର ପାତ୍ର, ମମତା ରାଣୀ ଦାସ , ସୁଧାଂଶୁ ଶେଖର ପଣ୍ଡା ପ୍ରମୁଖ ତାଙ୍କ ଜୀବନ ର ନାନାବିଧ ଦିଗ ସମ୍ପର୍କ ରେ ଆଲୋକପାତ କରି ତାଂକୁ ଉଦାର, ମହତ, ଦାନଶୀଳ, ସତ୍ୟନିଷ୍ଠ ତଥା ମୂର୍ଦ୍ଧଣ୍ୟ ସୃଜନପୁରୁଷ ତଥା କେନ୍ଦୁଝର ଅସ୍ମିତା ର ମୂର୍ତ୍ତପ୍ରତୀକ ବୋଲି ଅଭିହିତ କରିଥିଲେ।
ଶ୍ରୀ ଚକ୍ରବର୍ତ୍ତୀଙ୍କର ମଧ୍ୟମ ପୁତ୍ର ଅବସର ପ୍ରାପ୍ତ ସୈନିକ ଶୁଭାଶିଷ ଚକ୍ରବର୍ତ୍ତୀ ଧନ୍ୟବାଦ ଅର୍ପଣ କରିଥିଲେ।

ରିପୋର୍ଟ: ପୁରୁଷୋତ୍ତମ ପାତ୍ର, କେନ୍ଦୁଝର, ମୋବାଇଲ: ୮୪୫୬୦୫୨୮୭୬