*भाजपाचा शक्तिशाली कार्यकर्ता मेळावा ब्रह्मपुरीत उत्साहात संपन्न; विकासाचा वचननामा जाहीर —मा.सुधीरभाऊ मुनगंटीवार,मा.खा. डॉ. अशोक नेतेयांचे मार्गदर्शन

प्रेस नोट
ब्रम्हपुरी,गडचिरोली

*भाजपाचा शक्तिशाली कार्यकर्ता मेळावा ब्रह्मपुरीत उत्साहात संपन्न; विकासाचा वचननामा जाहीर —मान. सुधीरभाऊ मुनगंटीवार, मा.खा. डॉ. अशोकजी नेते यांचे मार्गदर्शन...*

दि. २५ नोव्हेंबर २०२५ | ब्रह्मपुरी

ब्रह्मपुरी नगरपरिषद सार्वत्रिक निवडणूक–२०२५च्या पार्श्वभूमीवर भारतीय जनता पार्टीतर्फे भव्य कार्यकर्ता मेळाव्याचे आयोजन विठ्ठल–रुक्मिणी सभागृह, ब्रह्मपुरी येथे करण्यात आले.
मेळाव्यात कार्यकर्त्यांची उत्स्फूर्त उपस्थिती, गगनभेदी घोषणा आणि प्रेरणादायी मार्गदर्शन यामुळे वातावरण उत्साहवर्धक झाले.

माननीय माजी मंत्री तथा आमदार श्री. सुधीरभाऊ मुनगंटीवार यांचे आगमन होताच फटाक्यांची आतषबाजी आणि
“भारतीय जनता पार्टीचा विजय असो!” या जयघोषाने कार्यक्रमाची जोशपूर्ण सुरुवात झाली. याच वेळी ब्रह्मपुरी शहराचा वचननामा प्रकाशित करण्यात आला.

*या कार्यकर्ता मेळाव्याला मान. सुधीरभाऊ मुनगंटीवार बोलताना म्हणाले* : “भाजपा विकासाचे काम करते. आमच्याकडे जाहीरनामा नाही—वचननामा आहे. जे बोलतो ते करतो.”त्यांनी काँग्रेसवर निशाणा साधत स्पष्ट शब्दांत म्हटले —
“लाडकी बहीण योजनेंमुळे काँग्रेसच्या पोटात दुखायला लागलं.”“ही योजना बंद झाली पाहिजे ही योजना चुकीची आहे असे आरोप काँग्रेसनेच केलं.”

“काँग्रेसचा पंजा म्हणजे विकासाला ब्रेक!” ते पुढे म्हणाले “बी फॉर बिहार— बिहार मध्ये काँग्रेस हरली. आता बी फॉर ब्रह्मपुरी—येथेही काँग्रेसला पराभवाचा सामना करावा लागेल.”आणखी जोरदार आवाहन करत म्हणाले—
“जगद्गुरू, विश्वगुरू पंतप्रधान नरेंद्र मोदी जी आणि राज्याचे मुख्यमंत्री देवेंद्रजी फडणवीस यांच्या नेतृत्वात विकासाची गंगा वाहाते आहे. ब्रह्मपुरीतही कमळ फुलवा आणि नगराध्यक्ष सुयोग बाळबुदे व सर्व भाजपाचे नगरसेवक उमेदवारांना भक्कम विजय मिळवा.”

*माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी कार्यकर्त्यांना संबोधित करत म्हणाले—*
“भाजपाचा कार्यकर्ता हा पक्षाचा मजबूत कणा आहे. हा कणा प्रामाणिक असला पाहिजे.”
“जगातील सर्वात मोठ्या पक्षाचे तुम्ही कार्यकर्ते… हा मान सन्मानाची व अभिमानाची बाब आहे हे जपले पाहिजे.”
“पंतप्रधान नरेंद्र मोदी जी यांनी घेतलेले ऐतिहासिक निर्णय देशाला नव्या उंचीवर घेऊन गेले. त्यांच्या दहा वर्षांच्या कार्यकाळात त्यांच्यासोबत काम करण्याची संधी मिळाली—हे माझे भाग्य.”ते पुढे म्हणाले—
“केंद्र आणि राज्यात भाजपा सरकार आहे. त्यामुळे ब्रह्मपुरी नगरपरिषदेतही सत्ता भाजपा चीच येणे गरजेचे आहे”
“लक्ष्मी कमळावर बसते — म्हणून कमळ फुलवा आणि ब्रह्मपुरीच्या विकासाचा संकल्प पूर्ण करा.”

भाजपा जिल्हाध्यक्ष हरिश भैया शर्मा व माजी आमदार प्रा. अतुलभाऊ देशकर यांनी कार्यकर्त्यांना उत्साह देत
विजयसंकल्प दृढ करण्यासाठी सविस्तर मार्गदर्शन केले.

नगराध्यक्ष पदाचे अधिकृत उमेदवार प्राचार्य सुयोगकुमार वामनराव बाळबुधे यांनी
ब्रह्मपुरीच्या सर्वांगीण विकासासाठी कटिबद्ध राहण्याची प्रतिज्ञा व्यक्त केली आणि भारी मताधिक्याने भाजपा सत्ता आणण्याचा संकल्प मांडला.

भाजपा कार्यकर्ता मेळाव्यात प्रामुख्याने भाजपा जिल्हाध्यक्ष : हरिश भैया शर्मा,माजी आमदार : प्रा. अतुलभाऊ देशकर, नगराध्यक्ष पदाचे उमेदवार : प्राचार्य सुयोगजी बाळबुधे,माजी जि.प. उपाध्यक्ष : कृष्णाभाऊ सहारे,विस्तारक : कादर शेख सर,ओबीसी मोर्चा प्रदेश सचिव : प्रा. प्रकाश बगमारे,भाजपा तालुका अध्यक्ष : ज्ञानेश्वर दिवटे,महिला मोर्चा जिल्हाध्यक्षा : वंदनाताई शेंडे,भाजपा नेते : दीपक भाऊ उराडे,माजी नगराध्यक्षा : नीताताई उराडे, माजी शहराध्यक्ष : बाळुभाऊ नांदुरकर,शहराध्यक्षा : वर्षा चौधरी,जिल्हा मध्यवर्ती बँकेचे माजी उपाध्यक्ष : यशवंतराव दिघोरे,विलास विखार,भाजयूमो जिल्हा महामंत्री : तनयजी देशकर,रश्मी पेशवे,साकेत भानारकर तसेच मोठ्या संख्येने पदाधिकारी, महिला कार्यकर्त्या आणि युवा कार्यकर्ते उत्साहात उपस्थित होते.

*भाजपा जनसंपर्क कार्यालयाचे भव्य उद्घाटन*
कार्यकर्ता मेळावा संपल्यानंतर
भाजपा जनसंपर्क कार्यालयाचे उद्घाटन मान. सुधीरभाऊ मुनगंटीवार, माजी खासदार डॉ. अशोकजी नेते आणि माजी आमदार प्रा. अतुलभाऊ देशकर
यांच्या शुभहस्ते संपन्न झाले.

RNI:- MPBIL/25/A1465
Devashish Tokekar
VANDE Bharat live tv news Nagpur
Editor/Reporter/Journalist
Indian Council of press,Nagpur
Journalist Cell
All India Media Association
Nagpur District President
Delhi Crime Press
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015