*सामाजिक सभागृहाचे लोकार्पण – मा.खा. डॉ. अशोकजी नेते यांच्या शुभहस्ते सोहळा संपन्न*

प्रेस नोट
पाथरी, ता. सावली, जि. चंद्रपूर


*सामाजिक सभागृहाचे लोकार्पण – मा.खा. डॉ. अशोकजी नेते यांच्या शुभहस्ते सोहळा संपन्न*
-------------------------------------------------------------- *पाथरी येथे आदिवासी गोवारी शहीद दिनानिमित्त शहीदांना आदरांजली*

दि. २३ नोव्हेंबर २०२५ | पाथरी, ता. सावली, जि. चंद्रपूर

सावली :-आदिवासी गोवारी शहीद दिनाच्या स्मृतिदिनी पाथरी येथे आयोजित कार्यक्रमात माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी गोवारी शहीदांना विनम्र अभिवादन करत पुष्प अर्पण करून श्रद्धांजली वाहिली. न्याय व हक्कांसाठी लढताना गोवारी बांधवांनी दिलेले अमोल बलिदान समाजासाठी प्रेरणादायी असल्याचे त्यांनी नमूद केले.

याच कार्यक्रमात मा.खा. डॉ.अशोकजी नेते यांच्या स्थानिक विकास निधीतून सन २०२४–२५ सत्रात ७ लाख रुपये मंजूर झालेल्या गोवारी समाजाच्या सामाजिक सभागृहाचे लोकार्पण त्यांच्या शुभहस्ते फित कापून करण्यात आले. या सभागृहामुळे गावातील सामाजिक-सांस्कृतिक उपक्रमांना अधिक बळ मिळेल, असे मत त्यांनी व्यक्त करत “गोवारी बांधवांचे बलिदान हे समाजाच्या स्वाभिमानाचे प्रतीक असून त्यांचा संघर्ष पुढील पिढ्यांसाठी प्रेरणादायी दीपस्तंभ आहे.”

लोकार्पण सोहळा अतिशय उत्साहात पार पडला. या कार्यक्रमाला भाजपा जिल्हा उपाध्यक्ष तथा माजी तालुका अध्यक्ष अविनाश भाऊ पाल, माजी पं.स. उपसभापती तुकाराम पा. ठिकरे,तालुकाध्यक्ष किशोर वाकुडकर,माजी तालुकाध्यक्ष अर्जुन भोयर, भाजयुमो तालुकाध्यक्ष नितिन कारडे,भाजपा युवा नेते शरद सोनवाने,दिलीप जाधव, नामदेव भोयर,ग्रा.प. सदस्य प्रविण वाघमारे,गोवारी समाजाचे नेते रोशन दुधकुळे,समाजाचे अध्यक्ष राकेश कोहळे,मिथुन बाबनवाडे,
तसेच सुनिल चचाणे, सतिश चचाणे, पोर्णिमा चचाणे, निता वाघाडे यांच्यासह मोठ्या संख्येने गोवारी समाजाचे बांधव व भगिनी उपस्थित होते.

*मा.खा.डॉ. अशोकजी नेते यांचा गोवारी समाजातर्फे सन्मान*

पाथरी येथील आदिवासी गोवारी समाजाची अनेक दिवसांपासून सामाजिक सभागृहाची मागणी होती. या मागणीची दखल घेत माजी खासदार डॉ. अशोकजी नेते यांनी सभागृह मंजूर करून दिल्याबद्दल समाजाच्या वतीने त्यांचा शाल व श्रीफळ देऊन सन्मान करण्यात आला. नव्याने उभारलेल्या या सभागृहामुळे समाजातील विविध उपक्रमांना चालना मिळेल, अशी भावना उपस्थितांनी व्यक्त केली.

RNI:- MPBIL/25/A1465
Devashish Tokekar
VANDE Bharat live tv news Nagpur
Editor/Reporter/Journalist
Indian Council of press,Nagpur
Journalist Cell
All India Media Association
Nagpur District President
Delhi Crime Press
AD.Associate /Reporter
Contact no.
9422428110/9146095536
Head office:- plot no 18/19, flat no. 201,Harmony emporise, Payal -pallavi society new Manish Nagar somalwada nagpur - 440015