ਫਰੀਦਕੋਟ ਵਿੱਚ ‘ਯੁਵਾ ਆਪਦਾ ਮਿਤ੍ਰ’ ਟ੍ਰੇਨਿੰਗ ਦਾ ਸਮਾਪਨ ਸਮਾਰੋਹ ਸਫਲਤਾਪੂਰਵਕ ਸੰਪੰਨ

ਫ਼ਰੀਦਕੋਟ, 22 ਨਵੰਬਰ 2025 —
(ਨਾਇਬ ਰਾਜ)

ਜ਼ਿਲ੍ਹਾ ਫ਼ਰੀਦਕੋਟ ਵਿੱਚ ਰਾਸ਼ਟਰੀ ਆਫ਼ਤ ਪ੍ਰਬੰਧਨ ਅਥਾਰਟੀ ਤੇ ਰਾਜ ਆਫ਼ਤ ਪ੍ਰਬੰਧਨ ਅਥਾਰਟੀ ਪੰਜਾਬ ਵੱਲੋਂ ਸਪਾਂਸਰਡ ਅਤੇ ਮਹਾਤਮਾ ਗਾਂਧੀ ਸਟੇਟ ਇੰਸਟਿਟਿਊਟ ਆਫ਼ ਪਬਲਿਕ ਐਡਮਿਨਿਸਟ੍ਰੇਸ਼ਨ, ਪੰਜਾਬ ਵੱਲੋਂ ਆਯੋਜਿਤ 8 ਦਿਨਾਂ ‘ਯੁਵਾ ਆਪਦਾ ਮਿਤ੍ਰ’ ਟ੍ਰੇਨਿੰਗ ਦਾ ਸਮਾਪਨ ਸਮਾਰੋਹ ਅੱਜ ਸਫਲਤਾਪੂਰਵਕ ਮਨਾਇਆ ਗਿਆ। ਇਹ ਟ੍ਰੇਨਿੰਗ 16 ਤੋਂ 22 ਨਵੰਬਰ 2025 ਤੱਕ ਚੱਲੀ।

ਅੱਜ ਦੇ ਸਮਾਪਨ ਸਮਾਰੋਹ ਵਿੱਚ ਡੀ.ਆਰ.ਓ ਮੈਡਮ ਲਵਪ੍ਰੀਤ ਕੌਰ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ।

ਮੁੱਖ ਮਹਿਮਾਨ ਮੈਡਮ ਲਵਪ੍ਰੀਤ ਕੌਰ ਨੇ ਆਪਣੇ ਸੰਬੋਧਨ ਦੌਰਾਨ ਕਿਹਾ ਕਿ ਇਸ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਨੌਜਵਾਨਾਂ ਨੂੰ ਆਪਾਤਕਾਲੀਨ ਸਥਿਤੀਆਂ ਦੌਰਾਨ ਫਰਸਟ ਰਿਸਪਾਂਡਰ ਵਜੋਂ ਤਿਆਰ ਕਰਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਾਗੀਦਾਰਾਂ ਨੂੰ ਬੇਸਿਕ ਲਾਈਫ ਸਪੋਰਟ, ਪ੍ਰਥਮ ਸਹਾਇਤਾ, ਖੋਜ ਅਤੇ ਬਚਾਵ, ਅੱਗ ਸੁਰੱਖਿਆ, ਐਮਰਜੈਂਸੀ ਉਜਾੜ ਪ੍ਰਕਿਰਿਆ ਅਤੇ ਸਮੁਦਾਈ ਪੱਧਰ ’ਤੇ ਆਫ਼ਤ ਪ੍ਰਤੀਕਿਰਿਆ ਸਬੰਧੀ ਵਰਤੋਂਯੋਗ ਅਤੇ ਪ੍ਰੈਕਟੀਕਲ ਪ੍ਰਸ਼ਿਕਸ਼ਣ ਦਿੱਤਾ ਗਿਆ ਹੈ, ਜੋ ਅਸਲੀ ਸਥਿਤੀਆਂ ਵਿੱਚ ਬਹੁਤ ਲਾਭਦਾਇਕ ਸਾਬਤ ਹੋਵੇਗਾ।

ਸਮਾਰੋਹ ਵਿੱਚ ਪ੍ਰੋ. (ਡਾ.) ਜੌਗ ਭਾਟੀਆ, ਸੀਨੀਅਰ ਕਨਸਲਟੈਂਟ (ਡਿਜਾਸਟਰ ਮੈਨੇਜਮੈਂਟ) ਅਤੇ ਕੋਰਸ ਡਾਇਰੈਕਟਰ, ਮਗਸੀਪਾ ਨੇ ਸਮਾਪਤੀ ਸੰਬੋਧਨ ਕੀਤਾ। ਉਨ੍ਹਾਂ ਨੇ ਡੀ.ਆਰ.ਓ ਮੈਡਮ ਲਵਪ੍ਰੀਤ ਕੌਰ (ਸਹਿ ਨੋਡਲ ਅਧਿਕਾਰੀ) ਅਤੇ ਡਾ. ਹਿਮਾਂਸ਼ੂ ਨਾਗਪਾਲ (ਨੋਡਲ ਅਫਸਰ) ਦਾ ਵਿਸ਼ੇਸ਼ ਧੰਨਵਾਦ ਕੀਤਾ।

ਇਸ ਮੌਕੇ ਕੋਰਸ ਕੋਆਰਡੀਨੇਟਰ ਮੈਡਮ ਗੁਲਸ਼ਨ, ਵਿਸ਼ੇਸ਼ਗਿਆ ਪ੍ਰਸ਼ਿਕਸ਼ਕ ਸ਼੍ਰੀ ਯੋਗੇਸ਼ ਕੁਮਾਰ, ਮੈਡਮ ਨੂਰ ਨਿਸ਼ਾ, ਮੈਡਮ ਮਨਜੋਤ ਅਤੇ ਮੈਡਮ ਦਵਿੰਦਰ ਹਾਜ਼ਰ ਸਨ, ਜਿਨ੍ਹਾਂ ਦੇ ਉੱਲੇਖਣੀਯੋਗ ਯੋਗਦਾਨ ਲਈ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ।

ਸਮਾਰੋਹ ਦੌਰਾਨ ਕਰਨਲ ਦਲਬੀਰ ਸਿੰਘ, ਜਨਰਲ ਮੈਨੇਜਰ (ਟ੍ਰੇਨਿੰਗ), ਮਗਸੀਪਾ ਨੇ ਭਾਗੀਦਾਰਾਂ, ਟ੍ਰੇਨਰਾਂ ਅਤੇ ਸਹਿਯੋਗੀ ਵਿਭਾਗਾਂ ਦਾ ਧੰਨਵਾਦ ਕੀਤਾ।