ಭೂತೇಶ್ವರ ನಗರದಲ್ಲಿ ಅಶ್ವತ್ಥ ವೃಕ್ಷ ಕಲ್ಯಾಣೋತ್ಸವ: ಭಕ್ತಿಯಿಂದ ಕಂಗೊಳಿಸಿದ ಕಾರ್ಯಕ್ರಮ

ಶಿರಾ ತಾಲೂಕಿನ ಭೂತೇಶ್ವರ ನಗರದಲ್ಲಿ ನೂತನವಾಗಿ ಪ್ರತಿಷ್ಠಾಪಿಸಲ್ಪಟ್ಟ ಅಶ್ವತ್ಥ ವೃಕ್ಷ ಕಲ್ಯಾಣೋತ್ಸವ ಗುರುವಾರ ಭಕ್ತಿ–ಶ್ರದ್ದೆಯಿಂದ ಜರುಗಿತು. ಸ್ಥಳೀಯರ ಸಕ್ರಿಯ ಪಾಲ್ಗೊಳ್ಳುವಿಕೆ ಮತ್ತು ಸಾಂಸ್ಕೃತಿಕ ವಾತಾವರಣದಿಂದ ಕಾರ್ಯಕ್ರಮವು ವಿಶೇಷ ಕಂಗೊಳಿಸಿತು.

ಕಾರ್ಯಕ್ರಮದಲ್ಲಿ ಗೃಹ ಸಚಿವ ಡಾ. ಜಿ. ಪರಮೇಶ್ವರ್ ಅವರ ವಿಶೇಷ ಅಧಿಕಾರಿ ಡಾ. ನಾಗಣ್ಣ ಅವರು ಭಾಗವಹಿಸಿ ಭಾವಪೂರ್ಣ ಭಾಷಣ ಮಾಡಿದರು.
“ಅಶ್ವತ್ಠ ವೃಕ್ಷವು ಭಾರತೀಯ ಸಂಸ್ಕೃತಿಯಲ್ಲಿ ಪವಿತ್ರತೆಯ ಸಂಕೇತ. ಸಮಾಜದಲ್ಲಿ ಶಾಂತಿ, ನೈತಿಕ ಮೌಲ್ಯಗಳು ಹಾಗೂ ಮಾನವೀಯತೆ ಬೆಳೆಸುವಲ್ಲಿ ಇಂತಹ ಕಾರ್ಯಕ್ರಮಗಳು ಪ್ರಮುಖ ಪಾತ್ರ ವಹಿಸುತ್ತವೆ” ಎಂದು ಅವರು ಅಭಿಪ್ರಾಯಿಸಿದರು.

ಯುವ ನಾಯಕ ಪ್ರವೀಣ್ ಸೇರಿದಂತೆ ಹಲವು ಮುಖಂಡರು, ಗ್ರಾಮಸ್ಥರು ಹಾಗೂ ಭಕ್ತರು ಕಾರ್ಯಕ್ರಮಕ್ಕೆ ಹಾಜರಾಗಿ ಪ್ರತಿಷ್ಠಾಪನೆಯ ಯಶಸ್ಸಿಗೆ ತಮ್ಮ ಬೆಂಬಲ ವ್ಯಕ್ತಪಡಿಸಿದರು. ಭಕ್ತಿ, ಸಂಸ್ಕೃತಿ ಮತ್ತು ಒಗ್ಗಟ್ಟಿನ ಸಂದೇಶವನ್ನು ಸಾರಿದ ಈ ಕಾರ್ಯಕ್ರಮ ಸ್ಥಳೀಯರಲ್ಲಿ ವಿಶೇಷ ಸಂಭ್ರಮವನ್ನುಂಟುಮಾಡಿತು.

ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಆಯೋಜಿಸಿದ ಸ್ಥಳದಾತರು ಮತ್ತು ಸಂಘಟಕರ ಸೇವೆಯನ್ನು ಭಾಗವಹಿಸಿದವರು ಪ್ರಶಂಸಿಸಿದರು.