रेजांगला शौर्यदिन : १८ नोव्हेंबर १९६२ च्या अभूतपूर्व पराक्रमाची आठवण

लडाख │ भारत–चीन युद्धात १८ नोव्हेंबर १९६२ रोजी झालेल्या रेजांगला लढाईला भारतीय सैन्याच्या इतिहासातील सर्वाधिक शौर्यपूर्ण आणि बलिदानमय लढाई मानले जाते. १६ हजार फूट उंचीवरील गोठवणाऱ्या थंडीमध्ये १३ कुमाऊँ रेजिमेंटच्या C कंपनीने, मेजर शेतानसिंग भाटी यांच्या नेतृत्वाखाली, शेकडो चिनी सैनिकांच्या प्रचंड लोंढ्याला रोखत अक्षरशः शेवटच्या श्वासापर्यंत लढा दिला.
या लढाईत भारतीय सैन्याचे १२० पैकी ११४ जवान शहीद झाले, तर शेकडो चिनी सैनिकांना जबर फटका बसला. गोळाबारूद कमी होत असतानाही जवानांनी हातगोळे, रायफल्स व मशीनगनने अत्यंत जवळून प्रतिकार करत शत्रूला अनेक तास रोखून धरले. अत्यंत कठीण परिस्थितीतही मेजर शेतानसिंग यांनी आपल्या प्लाटूनना एकत्र ठेवत निर्णायक आदेश देत असताना वीरमरण पत्करले.

रेजांगला येथील ‘लास्ट स्टँड’ भारतीय सैनिकांच्या अदम्य धैर्याची, शौर्याची आणि मातृभूमीसाठीच्या सर्वोच्च बलिदानाची साक्ष आजही देत उभी आहे. मेजर शेतानसिंग यांना त्यांच्या पराक्रमाबद्दल मरणोत्तर परमवीर चक्र प्रदान करण्यात आले.

आज देशभरात रेजांगला शौर्यदिन पाळून त्या अमर शूरवीरांना अभिवादन करण्यात येत आहे.