शेतकऱ्यांच्या शेती मालाला योग्य भाव मिळावा म्हणुन नाफेड मार्फत सोयाबिन खरेदी केंद्र चालू केले . सहकार मंत्री बाबा साहेब पाटील .
शेतकर्‍यांच्या शेतीमालाला योग्य दर मिळावा म्हणुन हमी भाव केंद्र .
सहकार मंत्री बाबासाहेब पाटील
शिरुर ताजबंद जि . लातूर ( विशेष प्रतिनिधी )शेतकर्‍यांच्या शेतीमालाला योग्य दर मिळावा म्हणुन नाफेड मार्फत शिरुर ताजबंद सोसायटी मार्फत सोयाबीन खरेदी केंद्राच्या उद् घाटन प्रसंगी सहकार मंत्री बाबासाहेब पाटील यांनी सांगीतले.
कार्यक्रमाच्या अध्यक्षस्थानी माजी सरपंच साहेबराव जाधव प्रमुख अतिथी लातूर जिल्हा परिषद चे माजी अध्यक्ष पंडीतराव धुमाळ ,उपसरपंच सुरज पाटील ,चेअरमन राजकुमार सोमवंशी , चेअरमन तुळशीराम भोसले,व्हाईस चेअरमन सुभाष गुंडरे ,संचालक दिलीप पाटील ,बालाजी पडोळे,गटसचिव गोविंद तांबाळगे उपस्थित होते.
सहकार मंत्री पाटील म्हणाले जास्तीत जास्त शेतकर्‍यांनी हमीभाव योजनेचा लाभ घेण्यासाठी आॅनलाईन नोंदणी करुन घ्यावी. खरिप हंगामातील शेतकर्‍यांच्या हाताशी आलेले पिके अतिवृष्टीने मातीत मिसळली शेतकर्‍यांना वार्‍यावर कसे सोडायचे म्हणुन
दिपवाळी सण साजरा करण्यासाठी शासनाकडून अनुदान दिले एवढ्यावरच न थांबता रब्बी पिकाची पेरणीसाठी म्हणुन हेक्टरी दहा हजार रुपये दिले.अतिवृष्टीच्या पावसातून शेतीतील नुकसानीचे पैसे देणे चालू आहे . राहीलेले सोयाबीन ला योग्य दर मिळावा याकरिता नाफेड मार्फत शिरुर ताजबंद येथील सोसायटीत हमी भाव केंद्राचा शुभारंभ आज केला ते शेतकरी हित डोळ्या समोर ठेवून केले.मागील वर्षी २८०० शेतकर्‍यांनी या केंद्रावर सोयाबीन घातले असून त्यांना त्याचे पेमेंट दिलेले आहे.शेतकर्‍यांनी घाबरुन जायचे कारण नाही,शेतकर्‍यांवर कोणत्याही प्रकारचा अन्याय होवू देणार नाही.सरकार आपल्या पाठीशी खंबीरपणे उभे असल्याचे सहकार मंत्री पाटील यांनी सांगीतले.
[ सहकार मंत्री बाबासाहेब पाटील यांनी जातीविरहित विकासाचे राजकारण केले .सहकारातून सोसायटीच्या माध्यमातून जनतेला नेहमी सहकार्य केल्यानेच त्यांना सहकार मंत्री पद मिळाल्याचे चेअरमन राजकुमार सोमवंशी यांनी सांगीतले.]
कार्यक्रमास नामदेव विराळे, शिवसांब स्वामी, गणेश कापसे,बालाजी गुंडरे.विजयकुमार येलमटे, माधव सरवदे, बाळासाहेब बेडदे, नारायण सूर्यवंशी,लक्ष्मण सारोळे ,ईब्राहिम पठाण यांच्या सह परिसरातील शेतकरी उपस्थित होते.
सुत्रसंचलन माधव माने तर प्रस्ताविक व आभार बालाजी पडोळे यांनी केले.
