لال قلعہ کے قریب دھماکہ، ابتدائی اطلاعات کے مطابق نو افراد ہلاک اور متعدد زخمی

لال قلعہ کے قریب دھماکہ، ابتدائی اطلاعات کے مطابق نو افراد ہلاک اور متعدد زخمی

نئی دہلی: آج لال قلعہ کے قریب واقع میٹرو اسٹیشن کے پاس ایک زور دار دھماکہ ہوا جس کے نتیجے میں ابتدائی میڈیا رپورٹس کے مطابق نو افراد کے ہلاک ہونے اور متعدد کے زخمی ہونے کی اطلاعات سامنے آئی ہیں تاہم سرکاری سطح پر ہلاکتوں اور زخمیوں کی تعداد کی تصدیق ابھی باقی ہے۔ پولیس، ریسکیو ٹیمیں اور فورینزک ماہرین فوری طور پر موقع واردات پر پہنچ گئے اور علاقے کو گھیرے میں لیتے ہوئے مکمل سرچ آپریشن شروع کر دیا جبکہ زخمیوں کو قریبی اسپتالوں میں منتقل کیا گیا ہے اور ان کے علاج کا سلسلہ جاری ہے۔ حکام کے مطابق دھماکے کی نوعیت معلوم کرنے کے لیے تفتیش جاری ہے اور ابتدائی شواہد اکٹھے کیے جا رہے ہیں، جبکہ کسی تنظیم نے اس واقعے کی ذمہ داری قبول نہیں کی ہے۔ عینی شاہدین کا کہنا ہے کہ دھماکے کے بعد قریب کے علاقے میں بھگدڑ مچ گئی اور دھواں اٹھتا ہوا دیکھا گیا۔ پولیس حکام جلد حقائق سامنے لانے کا دعویٰ کر رہے ہیں، دوسری جانب شہریوں سے اپیل کی گئی ہے کہ افواہوں پر توجہ نہ دیں اور صرف مصدقہ اطلاعات پر یقین کریں۔ ذرائع ابلاغ اسکین گروپ اور این جی ڈی اے ٹرسٹ امیٹھی اس افسوسناک سانحے کی شدید مذمت کرتے ہیں اور جاں بحق افراد کے اہل خانہ سے ہمدردی اور تعزیت کا اظہار کرتے ہوئے زخمیوں کی جلد صحت یابی کی دعا کرتے ہیں۔

اہم صحافتی نوٹ:
یہ رپورٹ ابتدائی معلومات پر مبنی ہے، جیسے جیسے مصدقہ تفصیلات سامنے آئیں گی، خبر کو بہتر اور مکمل شکل میں اپ ڈیٹ کیا جائے گا۔