📰 गोधन तस्करीचा प्रयत्न फसला : पाळधी बायपास वर कार उलटून एक जखमी, दोन फरार

Kiran Ananda Mali, Jalgaon, Maharashtra (MH)
12/10/2025 01:55 PM

पाळधी (ता. धरणगाव) : दिनांक 12 ऑक्टोबर 2025 रोजी पहाटे सकाळी 3 ते 4 वाजेच्या सुमारास पाळधी येथील नॅशनल हायवे बायपास जवळ गोधन तस्करीचा प्रकार उघडकीस आला.

इरफान अन्सारी (वय 30, रा. अजमेरा नगर, हजार खोली, धुळे) हा आपल्या साथीदार हरून आणि अन्य दोन अज्ञात इसमांसह एका कारमधून जनावरे घेऊन जात असताना अपघात झाला. अपघातानंतर दोन इसम घटनास्थळावरून फरार झाले.

अपघातग्रस्त कार क्रमांक MH-04-EZ-7001 तपासली असता, त्यामध्ये एक गाय, एक गोरा आणि दोन वगार अशी चार जनावरे आढळली. तसेच गाडीतून दोरखंड, औषधांच्या बाटल्या, लहान कटर, व गाईंच्या नाकात अडकवायचे आकडे असे साहित्यही मिळाले.

घटनेची माहिती मिळताच पोलीस कर्मचारी महेश देवरे यांनी घटनास्थळी धाव घेत पंचनामा केला. दरम्यान, पाळधी येथील गोरक्षक व नागरिकांनी घटनास्थळी वेळेत पोहोचून गाडीत कोंबलेल्या सर्व जनावरांची सुटका केली. जखमी झालेल्या गुरांना पुढील उपचारासाठी गोशाळेत पाठविण्यात आले.

या घटनेमुळे परिसरात संतापाची लाट उसळली आहे. “शेतकऱ्यांचे जनावरे चोरणाऱ्यांवर कठोरात कठोर कारवाई करण्यात यावी,” अशी मागणी स्थानिक नागरिक, गोप्रेमी व गोसेवक यांनी केली आहे.

👉 पुढील तपास स्थानिक पोलिसांकडून सुरू आहे.

333 views