💐 હૃદય વિલાપ કરાવતો દૂર્ઘટના 💐 સુરેન્દ્રનગર જિલ્લાના પાટડી તાલુકાના ઝેઝરી ગામ નજીક બનેલા અકસ્માતમાં ચાર મહિલાઓનું કરુન અવસાન થયું છે..

ગઈકાલે સુરેન્દ્રનગર જિલ્લાના પાટડી તાલુકાના ઝેઝરી ગામ નજીક બનેલા ગમખ્વાર અકસ્માતમાં તળાજા શહેરના ક્ષત્રિય સમાજની ચાર મહિલાઓનું કરુણ અવસાન થયું હતું. આ દુઃખદ સમાચાર મળતા સમગ્ર તળાજા શહેર અને સમાજજનોમાં શોકની લાગણી છવાઈ ગઈ હતી.

આજરોજ વહેલી સવારે સાત વાગ્યે નદીના સામા કાંઠે એક સાથે ચાર મહિલાઓની અંતિમ યાત્રા નીકળતા સમગ્ર વિસ્તાર શોકમગ્ન બની ગયો હતો. ગામની ગલીઓમાં માત્ર રડવાની અને આક્રંદની જ ધૂન સંભળાતી હતી દેરાણી-જેઠાણી સહિત ચારેય મહિલાઓને એકસાથે અંતિમ વિદાય આપવાનો દૃશ્ય જોઈને સૌના આંખોમાં આંસુ આવી ગયા હતા.

પરિવાર, સમાજ અને સમગ્ર તળાજા શહેર માટે આ અતિ મોટું નુકસાન છે — જેની ભરપાઈ શક્ય નથી. સમાજના દરેક ખૂણેથી શોક સંદેશાઓની ઝરમર વરસી રહી છે.

🙏 આવો દુઃખદ સમય કોઈપણ પરિવાર કે ગામ ઉપર કદી ન આવે એવી માતાજી પાસે અંતઃકરણપૂર્વક પ્રાર્થના.
ઈશ્વર તેમની પવિત્ર આત્માઓને ચિરશાંતિ આપે અને શોકાકુલ પરિવારજનોને આ અપરંપાર દુઃખ સહન કરવાની શક્તિ આપે. 🙏

🙏 ઓમ શાંતિ 🙏

( રિપોર્ટર ચંદ્રિકા ઠાકોર)