🚨 બ્રેકિંગ ન્યૂઝ વડાલી નગરપાલિકા – શાંતિનગર સોસાયટીમાં 10 દિવસથી પાણી સપ્લાય બંધ! 👉 મહિલાઓએ નગરપાલિકા કચેરીએ પહોંચી!

📰 વડાલી નગરપાલિકા વિસ્તારના શાંતિનગર સોસાયટીમાં પાણી સમસ્યા – મહિલાઓએ કરી રજૂઆત

સાબરકાંઠા જિલ્લાના વડાલી નગરપાલિકા વિસ્તારની શાંતિનગર સોસાયટીમાં છેલ્લા 10 દિવસથી વધુ સમયથી પાણી સપ્લાય બંધ રહેતા રહેવાસીઓ મુશ્કેલીમાં મુકાયા છે.

દૈનિક જીવન માટે પાણીની અછત સર્જાતા આજે સોસાયટીની મહિલાઓ એકજૂથ થઈને વડાલી નગરપાલિકા કચેરીએ પહોંચી અને સત્તાવાળાઓ સમક્ષ રજૂઆત કરી.

મહિલાઓએ જણાવ્યુ કે વારંવાર જાણ કરવા છતાં યોગ્ય પગલા લેવામાં આવતા નથી, જેના કારણે પરિવારજનોને ભારે પરેશાનીનો સામનો કરવો પડી રહ્યો છે. તેમણે નગરપાલિકા અધિકારીઓને તાત્કાલિક પાણીની વ્યવસ્થા સુચારુ કરવા માંગ કરી છે.

રહેવાસીઓએ ચેતવણી આપી છે કે જો તાત્કાલિક સમસ્યાનો ઉકેલ નહીં આવે તો તેઓ આગળ આંદોલનાત્મક પગલાં ભરવા મજબૂર બનશે.

👉 પાણી જેવી જીવંત જરૂરીyat ની સમસ્યાને લઈને સ્થાનિક લોકોમાં ભારે રોષ જોવા મળી રહ્યો છે.