🚨 उदगीर : तालुक्यातील देऊळवाडी ग्रामपंचायत कार्यालयात भ्रष्टाचाराचे थैमान उघड झाले आहे. ग्रामसेवक प्रकाश वल्लभ

Prakash Madhukar Kendre, Latur, Maharashtra (MH)
07/09/2025 07:23 PM

🚨 देऊळवाडी ग्रामसेवकाचा भ्रष्टाचार उघड – ग्रामस्थांकडून जिल्हाधिकाऱ्यांकडे थेट तक्रार

🚨 उदगीर : तालुक्यातील देऊळवाडी ग्रामपंचायत कार्यालयात भ्रष्टाचाराचे थैमान उघड झाले आहे. ग्रामसेवक प्रकाश वल्लभ पवार यांनी जमीन विभागणीसाठी व "नमुना क्र. 8" देण्यासाठी तब्बल ₹12,000 हजार लाच घेतल्याचा धक्कादायक आरोप ग्रामस्थांनी केला आहे.

ग्रामस्थांच्या मते, इ.स. 2018 मध्ये पवार यांनी पैसे घेतले; मात्र आज 7 वर्षे उलटून गेली तरी काम झालेले नाही.उलट त्यांनी नागरिकांना बोगस नमुना नं. 8 बनवून दिला. ग्रामस्थांनी याविषयी विचारणा केली असता पवार यांनी उर्मटपणे, "माझे कोणी काही वाकडे करू शकत नाही, मी अधिकाऱ्यांना महिन्याला पैसे देतो" असे निर्लज्ज वक्तव्य केले असल्याचे सांगण्यात येते.

या प्रकारामुळे ग्रामस्थांमध्ये तीव्र संताप आहे. त्यांनी जिल्हाधिकाऱ्यांकडे दिलेल्या तक्रारीत, पवार यांच्यावर लाचलुचपत, फसवणूक आणि पदाचा दुरुपयोग या गंभीर कलमांखाली गुन्हा दाखल करण्याची मागणी केली आहे.

ग्रामस्थांचा इशारा आहे की, योग्य कारवाई न झाल्यास जिल्हाधिकारी कार्यालयासमोर तीव्र आंदोलन छेडले जाईल.

देऊळवाडीतील या प्रकरणामुळे संपूर्ण तालुक्यात खळबळ उडाली असून, प्रशासन या भ्रष्टाचाराकडे कसे पाहते याकडे सर्वांचे लक्ष लागले आहे.

1543 views