ఎస్.ఐ. రాజశేఖర్‌కి మందమర్రి ఎమ్మార్పీఎస్ ఆది జాంబవ సంగం నాయకుల సత్కారం

పవర్ తెలుగు దినపత్రిక:30-08-2025:మంచిర్యాల జిల్లా మందమర్రి: మంచిర్యాల జిల్లాలోని మందమర్రి పోలీస్ స్టేషన్‌లో సబ్ ఇన్‌స్పెక్టర్‌గా విధులు నిర్వహిస్తున్న శ్రీ రాజశేఖర్‌కి మందమర్రి ఎమ్మార్పీఎస్ (మాదిగ రిజర్వేషన్ పోరాట సమితి) ఆది జాంబవ సంగం నాయకులు ఘనంగా పుట్టినరోజు శుభాకాంక్షలు తెలియజేశారు. ఈ సందర్భంగా వారు ఎస్.ఐ. రాజశేఖర్‌ను శాలువాతో సత్కరించి, ఆయనకు దీర్ఘాయుష్షు, మంచి ఆరోగ్యం కలగాలని ఆకాంక్షించారు.మందమర్రి పట్టణానికి చెందిన ఎమ్మార్పీఎస్ ఆది జాంబవ సంగం నాయకులైన కంబాల రాజనర్సు, దాసరి ఎల్లారం, వాసాల శంకరన్న, వాసాల సంపత్, దాసరి రాజనర్సు, రవి ఈ సత్కార కార్యక్రమంలో పాల్గొన్నారు. పట్టణంలో శాంతిభద్రతల పరిరక్షణకు, ప్రజల భద్రతకు ఎస్.ఐ. రాజశేఖర్ అందిస్తున్న సేవలను ఈ సందర్భంగా వారు కొనియాడారు. ఆయన నిబద్ధత, సేవా స్ఫూర్తి ప్రజలకు స్ఫూర్తిదాయకమని వారు అన్నారు.
ఈ కార్యక్రమం ఎస్.ఐ. రాజశేఖర్ కార్యాలయంలో జరిగింది. ఈ సందర్భంగా రాజశేఖర్ గారు ఎమ్మార్పీఎస్ ఆది జాంబవ సంగం నాయకులకు కృతజ్ఞతలు తెలిపారు. భవిష్యత్తులో కూడా ప్రజలకు మరింత మెరుగైన సేవలు అందిస్తానని ఆయన హామీ ఇచ్చారు.