થરાદ માં 40થી વધુ સંગઠનો નું સન્માન કરાયું

થરાદમાં 40થી વધુ સંગઠનોનું સન્માન શ્રી રામ સેવા સમિતિએ પ્રથમવાર એસોસિએશન પ્રમુખોને સન્માનિત કર્યા, શિવકથા સાથે ભોજન પ્રસાદની વ્યવસ્થા થરાદની શ્રી રામ સેવા સમિતિએ નગરના વિવિધ વેપારી સંગઠનોના પ્રમુખોનું સન્માન કરવા એક વિશેષ કાર્યક્રમનું આયોજન કર્યું. સમિતિના પ્રમુખ જગદીશભાઈના નેતૃત્વમાં આ પ્રથમ સન્માન સમારોહમાં 40થી વધુ એસોસિએશનના પ્રમુખો ઉપસ્થિત રહ્યા.
કાર્યક્રમ દરમિયાન નગરના વ્યવસાય અને વેપારની વર્તમાન સ્થિતિ અંગે મહત્વપૂર્ણ ચર્ચાઓ થઈ. શ્રાવણ માસમાં શિવકથાનું આયોજન કરવામાં આવ્યું છે. તાજેતરમાં નિર્માણ પામેલા શ્રી રામ મંદિરમાં ભોજન પ્રસાદની વ્યવસ્થા કરવામાં આવી છે. આ ભોજન પ્રસાદનો લાભ બહારથી આવતા મુલાકાતીઓ અને વેપારીઓ લઈ રહ્યા છે.કાર્યક્રમના અંતે સમિતિના પ્રમુખ જગદીશભાઈએ સર્વેને ભોજન પ્રસાદમાં જોડાવા આમંત્રણ આપ્યું. ઉપસ્થિત મહાનુભાવોએ સંગઠનોના પ્રમુખોના સન્માન માટે જગદીશભાઈની પહેલને બિરદાવી.
અહેવાલ પી જે ચૌધરી