जिल्हा उद्योग

📰 बातमी: उद्योजकांसाठी सुवर्णसंधी – जिल्हा उद्योग केंद्राचे मार्गदर्शन केंद्र सुरु

आळंदी (प्रतिनिधी रोहिदास कदम):
मैत्री सेल उद्योग विभागाअंतर्गत नवीन उद्योग सुरू करण्यास इच्छुक असलेल्या उद्योजकांसाठी एक महत्त्वपूर्ण सुविधा सुरु करण्यात आली आहे. मार्गदर्शनाकरिता टोल फ्री क्रमांक 18002332033 वर संपर्क साधता येणार आहे. या टोल फ्री क्रमांकावरून अधिकृत मार्गदर्शन करण्यात येणार असून जिल्हा उद्योग केंद्राच्या महाव्यवस्थापक अर्चना कोठारी यांनी या सेवेचा लाभ घेण्याचे आवाहन केले आहे.

या टोल फ्री क्रमांकासोबतच 022-22612333, 22612336 या कार्यालयीन दूरध्वनी क्रमांकांवरही संपर्क साधून मार्गदर्शन मिळवता येईल.

या सुविधेंतर्गत नवउद्योजकांना उद्योग सुरू करताना लागणारी अनुज्ञप्ती, परवाने, ना हरकत प्रमाणपत्र, विविध शासकीय सवलतींबाबत माहिती, तसेच उद्योगांसाठी लागणारे दस्तऐवज, एजिओउडी योजना, विदेशात उत्पादने निर्यात करण्याच्या सुविधा, इत्यादीबाबत सविस्तर मार्गदर्शन दिले जाणार आहे. ही सेवा पूर्णपणे मोफत असून शासकीय स्तरावरून दिली जाणारी आहे.

अर्चना कोठारी यांनी प्रसिद्धीपत्रकाद्वारे ही माहिती दिली आहे.

📞 संपर्क:
टोल फ्री: 18002332033
कार्यालयीन क्रमांक: 022-22612333 / 22612336


---

🔖 टॅग्स: उद्योग, जिल्हा, विशेष
🗓️ स्थळ: आळंदी, पुणे

अधिक माहितीसाठी संपर्क साधा किंवा वरील क्रमांकावर कॉल करा.